بسم اللہ الرحمن الرحیم

بین الاقوامی

چین نے تین دہائیوں سے جاری وزیراعظم کی پریس کانفرنس کی روایت ختم کر دی

خاص حالات کو چھوڑ کر اگلے چند سالوں تک وزیراعظم کی پریس کانفرنس نہیں ہوگی، ترجمان

چین نے تین دہائیوں سے جاری وزیر اعظم کی پریس کانفرنس کی روایت ختم کر دی۔ رپورٹ کے مطابق چین میں سالانہ قانون سازاجلاس کے بعد وزیراعظم کی پریس کانفرنس کی روایت تھی تاہم یہ روایت ختم کر دی گئی ہے۔

اب چین کے وزیراعظم سالانہ قانون سازی اجلاس کے بعد پریس کانفرنس نہیں کریں گے۔  ترجمان کے مطابق خاص حالات کو چھوڑ کر اگلے چند سالوں تک وزیراعظم کی پریس کانفرنس نہیں ہوگی۔سوال وجواب کے سیشن نچلے درجے کے اہلکارکریں گے۔

یاد رہے کہ 1993سے چین کے وزیر اعظم سالانہ پارلیمانی اجلاس کے بعد میڈیا سے گفتگو کرتے اور  عالمی سطح پر براہ راست نشر ہونے والی نیوز کانفرنس میں چینی اور غیر ملکی صحافیوں کے سوالات کے جواب دیتے تھے۔

مزید پڑھیے  حامد کرزائی ایئرپورٹ کی سکیورٹی بدری 313 یونٹ کے سپرد
Back to top button