کینیڈا میں سکھ رہنماؤں کی جان کو شدید خطرات لاحق

کینیڈین پولیس اور انٹیلی جنس سروس نے ایک اور سکھ رہنما گرمیت سنگھ تور کو متنبہ کیا ہے کہ بھارتی خفیہ ایجنسیوں کی جانب سےجان کاخطرہ ہے، گرمیت سنگھ تور گرو نانک سکھ گوردوارےکی انتظامی کمیٹی کےسینئررکن ہیں۔

تفصیلات کے مطابق کینیڈ امیں سکھ رہنماؤں کی جان کو شدید خطرات لاحق ہیں، کینیڈامیں سکھ رہنماہردیپ سنگھ نجر کے قتل کے واقعے کے بعد ایک اور سکھ رہنما کو کینیڈین پولیس اور انٹیلی جنس سروس کی جانب سے متنبہ کردیا گیا۔

گرمیت سنگھ تور کو کینیڈین قانون نافذ کرنے والے ادارےکی جانب سے متنبہ کیا گیا ہے کہ آپ کو بھی بھارتی خفیہ ایجنسیوں کی جانب سےجان کاخطرہ ہے، گرمیت سنگھ تورگرونانک سکھ گوردوارےکی انتظامی کمیٹی کےسینئررکن ہیں۔

کینیڈین قانون نافذ کرنے والے ادارے نے اس حوالے سےگرمیت سنگھ سے ملاقات کی اور انہیں کینیڈا میں بھارتی خفیہ ایجنٹوں سے جان کے شدید خطرے کے متعلق آگاہ کیا۔

گرمیت سنگ کا کہنا تھا کہ کہ بھارتی حکومت مجھے مارناچاہتی ہے کیونکہ وہ خالصتان ریفرنڈم مہم میں مصروف ہیں۔

گرومیت سنگھ تور نے انکشاف کیا پولیس نے بھارت کی جانب سے مارے جانے کے خطرے سےآگاہ کر دیا تھا، 27 ستمبر کو سکھ فارجسٹس نے کینیڈا میں بھارتی ہائی کمشنر سنجے کارورما کو فوری ملک بدر کرنے کا مطالبہ کیا۔

سکھ فارجسٹس کا کہنا ہے کہ ہم وزیراعظم ٹروڈو کے ہاؤس آف کامنز میں بیان سے مکمل اتفاق کرتے ہیں، کینیڈا کی سرزمین پر کینیڈین شہری کا غیر ملکی ایجنٹ کے ذریعے قتل خود مختاری پر حملہ ہے۔

گروپتونت سنگھ نے وزیراعظم ٹروڈو کو یاد دلایا کہ سنجے کمار سکھوں سے نفرت کی ایک تاریخ رکھتے ہیں ، سنجے کمار اپنا عہدہ سنبھالنے کے بعد سے سکھوں سے متعلق جھوٹ بول رہے ہیں۔

بھارتی ہائی کمشنر کے تبصرے سکھوں کیخلاف نفرت سے بھرپور ہوتے ہیں، کینیڈین حکومت واضح طورپر اپنی خود مختاری پرزور دیکر شہریوں کا تحفظ یقینی بنائے۔