ٹورنٹو کی مسجد سے نکلنے والے نمازیوں پر فائرنگ،5زخمی

کینیڈا کے علاقے ٹورنٹو کی مسجد سے نکلنے والے نمازیوں پر فائرنگ کے واقعے میں 5 نمازی زخمی ہو گئے۔

غیر ملکی میڈیا کے مطابق ٹورنٹو کی مسجد میں اس وقت فائرنگ کی گئی جب عشاء کی نماز ادا کرنے کے بعد نمازی مسجد سے گھروں کی جانب رواں دواں تھے۔

فائرنگ کے نتیجے میں 5 نمازی زخمی ہوئےجنہیں فوری طور پر قریبی اسپتال منتقل کیا گیا۔

ٹورنٹو پولیس ڈیپارٹمنٹ کے ترجمان ڈیوڈ ریڈزک کے مطابق مسلح شخص نے مسجد سے باہر نکلنے والے نمازیوں کے ایک گروپ پر فائرنگ کی اور فرار ہوگیا۔ 

ڈیوڈ ریڈزک نے مزید کہا کہ زخمیوں کو مذہبی عقائد کی وجہ سے نشانہ بنایا گیا یا کوئی ذاتی رنجش تھی اس کا تعین کرنا ابھی باقی ہے۔

مسلم کمیونٹی نے فائرنگ واقعے کے ذمہ داروں کو کٹہرے میں لانے کا مطالبہ کیا ہے۔