جہاز گر کر تباہ، ہلاکتیں

روس کا فائر فائٹر (آگ بجھانے والا) طیارہ ترکی میں گر کر تباہ ہوگیا جس میں سوار 8 افراد ہلاک ہوگئے۔روسی وزارت دفاع کی جانب سے جاری بیا ن میں تصدیق کی گئی ہےکہ بی- 200 فائر فائٹر طیارہ ترکی میں گر کر تباہ ہوا ہے جس میں 5 روسی فائر فائٹر اور 3 ترک شہری بھی سوار تھے۔

برطانوی میڈیاکے مطابق روسی حکام کا کہنا ہےکہ طیارہ ترکی کے جنوبی خطے میں لینڈنگ سے قبل گِر کر تباہ ہوا ہے۔

ترک میڈیا کے مطابق روسی فائر فائٹر جہاز ترکی کے جنگلات میں لگی آگ پر قابو پانےکی کوششوں میں مصروف تھا۔

خیال رہے کہ چند روز قبل ترکی کے جنوبی حصے میں واقع جنگلات میں آگ لگنے کے متعدد واقعات پیش آئے تھے اور آگ بڑے رقبے پر پھیل گئی، اس آگ کو ترک حکام نے ملک کی بدترین آتشزدگی قرار دیا ہے۔