بسم اللہ الرحمن الرحیم

سائنس و ٹیکنالوجی

واٹس ایپ صارفین ایک بڑی تبدیلی کیلئے تیار ہو جائیں

کسی بھی ویب سائٹ سے اگر آپ واٹس ایپ پر لِنک پیسٹ کریں گے تو اس کی تصویر بڑی ہوگی تاکہ آپ کو معلوم ہو سکے کہ بھیجنے والے نے کس حوالے سے لِنک بھیجا ہے


پیغام رسانی کیلئے استعمال کی جانے والی عالمی شہرت یافتہ ایپلی کیشن واٹس ایپ نے صارفین کی سہولت کے لیے گزشتہ کچھ ماہ میں کئی فیچرز متعارف کروائے ہیں تاہم اب کمپنی جلد ہی صارفین کیلئے ایک تبدیلی کرے گی جس پر کام شروع کیا جا چکا ہے۔

واٹس ایپ کی مختلف اپ ڈیٹس پر نظر رکھنے والی ویب سائٹ ویب بیٹا انفو کی رپورٹ کے مطابق کمپنی اینڈرائیڈ اور آئی او ایس صارفین کے لیے ‘یو آر ایل لِنک پری ویو’ بڑا اور واضح دکھانے پر کام کر رہی ہے۔

Image

یعنی کسی بھی ویب سائٹ سے اگر آپ واٹس ایپ پر لِنک پیسٹ کریں گے تو اس کی تصویر بڑی ہوگی تاکہ آپ کو معلوم ہو سکے کہ بھیجنے والے نے کس حوالے سے لِنک بھیجا ہے۔

ویب بیٹا انفو کے مطابق اگر کسی ویب سائٹ کے لِنک کی ریزولوشن اچھی نہیں ہوئی تو اس لنک کے ساتھ آپ کو اس کا تھمب نیل نظر آئے گا۔ مذکورہ تبدیلی کب تک متوقع ہے تاحال واضح نہیں ہو سکا ہے۔

یہ بھی پڑھیے

Back to top button