حکومت تمام صوبوں کی یکساں ترقی یقینی بنانے کیلئے پرعزم ہے،وزیراعظم

وزیراعظم محمد شہبازشریف نے کہا ہے کہ وفاقی حکومت ملک کے تمام صوبوں کی یکساں ترقی یقینی بنانے کے لئے پرعزم ہے۔انہوں نے آج (جمعرات) اسلام آباد میں جناح اسکوائر مری روڈ انڈر پاس کا سنگ بنیاد رکھنے کی تقریب سے خطاب میں کہا کہ تمام صوبوں کی مساوی ترقی یقینی بنانے کیلئے بلوچستان کیلئے مختص فنڈز میں نمایاں اضافہ کیا گیا ہے۔

شہبازشریف نے کہا کہ بلوچستان میں این25 شاہراہ کو دو رویہ کرنے کا منصوبہ دوسال میں مکمل کیا جائے گا۔انہوں نے کہا کہ یہ منصوبہ بلوچستان کی ترقی کے لئے ہمارے عزم کا عکاس ہے کیونکہ اس منصوبے کے لئے قومی خزانے سے فنڈز فراہم کئے گئے ہیں۔وزیراعظم نے کہا کہ حکومت کی ٹیم نے گزشتہ ایک سال کے دوران نمایاں کامیابیاں حاصل کی ہیں جن میں بین الاقوامی ادارے فچ کی جانب سے پاکستان کی درجہ بندی میں بہتری بھی شامل ہے۔اس سے قبل وزیر داخلہ محسن نقوی نے تقریب کے شرکاء کو بریفنگ دیتے ہوئے بتایا کہ انڈرپاس پینتیس دن کے اندر گاڑیوں کی آمدورفت کیلئے کھول دیا جائے گا۔

اشتہار