کرکٹ کے معصوم فین کی چیئرمین پی سی بی سے اپیل

کرکٹ کے دلدادہ بچے نے ویک اینڈ پر بچوں کو اسٹیڈیم میں داخلے کی اجازت دینے اور کرکٹ مقابلوں سے لطف اندوز ہونے کی اپیل کردی، منگل کو 11 سالہ محمد حمزہ دفاعی چیمپئن ملتان سلطانز اور اسلام آباد یونائیٹڈکے درمیان میچ دیکھنے کے لیے اسٹیڈیم پہنچا،مگر این سی او سی کی پالیسی کے مطابق 12 سال سے کم عمر کے بچوں کو داخلے کی اجازت نہ دینے کے سبب وہ بھی میچ دیکھنے سے قاصر رہا

محمد حمزہ فراز نے اپنے ویڈیو پیغام میں معصومیت بھرے انداز پی سی بی کے چیئرمین راجہ سے اپیل کی کہ کم از کم ویک اینڈ پر بچوں کو اسٹیڈیم آکر دیکھنے کی اجازت دی جائے، ایسی کرکٹ کا کیا فائدہ جسے بچے نہ دیکھ سکیں۔