قومی
گرین لائن بس سروس پر پتھرائو کرنے والے بچے نکلے
کراچی میں کچی آبادی کے بچوں کی جانب سے گرین لائن بس پر پتھراؤ کا واقعہ پیش آیا ہے۔
کراچی پولیس کے ترجمان نے کہا ہے کہ گرین لائن کی بس پر پتھراؤ گرین لائن سروس کے اطراف کچی آبادی میں رہائش پذیر دو تین چھوٹے بچوں نے شرارتاً کیا۔
ترجمان کے مطابق کراچی پولیس چیف نے ان بچوں کو تلاش کرنے کے احکامات جاری کیے ہیں۔ پولیس ترجمان کے مطابق ایس ایس پی سینٹرل نے موقع پر پہنچ کر فوری طور پر متعلقہ ایس ایچ او کو پتھراؤ کرنے والے بچوں کی تلاش کی ہدایت کی۔
ایڈیشنل آئی جی کراچی کی جانب سے بھی بی آر ٹی کے روٹ پر موجود تمام تھانوں کے ایس ایچ اوز کو روٹ کے اطراف پولیس پیٹرولنگ بڑھانے اور اطراف کے علاقوں میں اس طرح کی سرگرمیوں سے باز رہنے کے نوٹس جاری کرنے کے احکامات دیے گئے ہیں۔
