باکسنگ رنگ میں زخمی ہونے والی میکسیکو کی باکسر دم توڑ گئیں

میکسیکو کے باکسنگ رِنگ میں زخمی ہونے والی 18 سالہ کھلاڑی دم توڑ گئیں۔

مونٹریال میں ہونے والے باکسنگ میچ میں میکسیکو کے شہر اواس کالینتیس سے تعلق رکھنے والی باکسر جینیٹ زاپاٹا چوتھے راؤنڈ میں ناک آؤٹ ہوگئی تھیں۔

وہ پانچ روز سے اسپتال میں زیرِعلاج تھیں اور اب ان کا انتقال ہوگیا ہے۔

زاپاٹا کو شکست دینے والی باکسر میری پیئر ہولے نے حریف باکسر کی موت پر اظہار افسوس کیا ہے۔

میچ کے منتظمین کا کہنا ہے کہ زاپاٹا کو میچ کے دوران شدید چوٹیں آئیں جو ان کی موت کی وجہ بنیں۔