بسم اللہ الرحمن الرحیم

قومی

بیرون ملک پاکستانیوں کی پاکستان سے محبت اور وابستگی بے مثال ہے، وزیراعظم عمران خان

وزیراعظم عمران خان نے اوورسیز پاکستانیوں کا شکریہ ادا کرتے ہوئے کہا ہے کہ بیرون ملک پاکستانیوں کی پاکستان سے محبت اور وابستگی بے مثال ہے، کورونا وائرس کے باوجود بیرون ملک پاکستانیوں نے ترسیلات زر کا ریکارڈ قائم کیا۔

سوشل میڈیا پر جاری کیے گئے بیان میں وزیراعظم عمران خان نے کہا کہ اوورسیز پاکستانیوں نے لگا تار دسویں ماہ میں 2 ارب ڈالر بھیجے۔عمران خان نے یہ بھی کہا کہ اوورسیز پاکستانیوں نے عالمی وبا کورونا وائرس کے باوجود 10 مہینوں میں 2 بلین ڈالربھیج کر ریکارڈ قائم کیا۔

اُنہوں نے کہا کہ اوورسیزپاکستانیوں کی ترسیلات زر مارچ میں بڑھ کر 2.7 ارب ڈالر ہوگئیں۔وزیراعظم نے اپنے بیان میں یہ بھی کہا کہ اوورسیز کی ترسیلات زر گزشتہ سال کے مقابلے میں 43 فیصد زیادہ ہیں۔عمران خان کا مزید کہنا تھا کہ رواں مالی سال میں اب تک آپ کی ترسیلات زر میں 26 فیصد کا اضافہ ہوا ہے۔

یہ بھی پڑھیے

Back to top button