Category: سائنس و ٹیکنالوجی

یو این ڈی پی کی جانب سے ترقی کے لیے ڈیجیٹلائزیشن ٹرانسفارمیشن کے حوالے سے نیشنل ہیومن ڈیویلپمنٹ رپورٹ برائے سال 2023/24 جاری کر دی گئی ہیں۔ جس میں پہلی بار پاکستان کے لیے ڈیجیٹل ڈیویلپمنٹ انڈیکس پیش کیا گیا جو کہ بنیادی طور پر پاکستان کے صوبوں اور اضلاع کی ڈیجیٹل پیش رفت کے حوالے سے جائزہ لیتاہے۔ اس رپورٹ کے تحت پاکستان کو ڈیجیٹل ڈیوپلمنٹ انڈیکس میں 0.205 سکور کے ساتھ ماڈریٹ ڈیجیٹل ڈیویلپمنٹ کیٹیگری میں رکھا گیا ہے۔

رپورٹ میں بتایا گیا ہے کہ ڈیجیٹل تبدیلی میں بہتر کارکردگی دکھانے والے اضلاع نے انسانی ترقی میں بھی بہتر کارکردگی کا مظاہرہ کیا ہے۔ پاکستان میں پہلی مرتبہ نیشنل ہیومن ڈیویلپمنٹ رپورٹ برائے سال 2023/24 میں ڈیجیٹل ٹیکنالوجیز کا استعمال، تربیت اور تبدیلی جیسے فیکٹرز کے ساتھ موازنہ کیا گیا اور ڈیجیٹل ڈیویلپمنٹ انڈیکس مرتب کیا گیا جس سے یہ واضح ہوا کہ بہتر ڈیجیٹل تبدیلی اپنانے والے اضلاع میں ترقی کی شرح بھی بہتر رہی ہے۔

گلوبل ہیومن ڈویلپمنٹ رپورٹ کے مطابق پاکستان 193 ممالک میں سے 164 نمبر پر موجود ہے جو کہ انسانی ترقی کے انڈیکس میں کم درجی بندی ہے۔صنفی عدم مساوات کے انڈیکس میں پاکستان کی پوزیشن 166 میں سے 135 ہے۔ وفاقی وزیر برائے منصوبہ بندی، ترقی اور خصوصی اقدامات احسن اقبال تقریب کے مہمان خصوصی تھے۔ تقریب میں اقوام متحدہ کے اسسٹنٹ سیکرٹری جنرل، یو این ڈی پی کے معاون، ایڈمنسٹریٹر اور ریجنل ڈائریکٹر فار ایشیا اینڈ دی پیسیفک، کنی وگناراجا نے بھی شرکت کی۔ سفارت کاروں، معززین، پالیسی سازوں، سول سوسائٹی، طلباء اور معاشرے کے دیگر طبقات نے اس تقریب میں شرکت کی۔ پاکستان کے 1947 سے اب تک کے ڈیجیٹل ارتقاء کی ایک نمائش بھی دکھائی گئی۔

قومی، صوبائی اور ضلعی سطحوں پر جامع شماریاتی تجزیہ کے ذریعے، قومی سطح پر نمائندہ سروے کیا گیا۔ جس کے تحت نیشنل ہیومن ڈیویلپمنٹ رپورٹ برائے سال 2023/24 میں سرمایہ کاری تک رسائی، اڈاپشن،، دلچسپی اور بہتری کا جائزہ لیا گیا جس سے پاکستان کا انسانی ترقی کا تیز ترین راستہ بن سکتا ہے۔

وفاقی وزیر برائے ترقی احسن اقبال کا کہنا تھا کہ حکومت پاکستان جدید ترین ٹیکنالوجیز کے ذریعے روزگار کے مواقع پیدا کرنے، مالی شمولیت کو تیز کرنا،معاشی ترقی، اور موثر فراہمی عوامی خدما ت کے لیے فائدہ اٹھانے کے لیے پرعزم ہے۔

قبل ازیں اپنے ریمارکس میں، یو این ڈی پی کی ریجنل ڈائریکٹر برائے ایشیا اور پیسفک، کنی وگناراجا نے بتایا کہ کہ ایشیا پیسیفک میں صرف 60 فیصد سے کچھ زیادہ آبادی آن لائن ہے، خواتین اور پسماندہ گروپوں کی نمایاں طور پر کم نمائندگی ہے۔ ”پاکستان عالمی سطح پر 2022 سے 2030 کے درمیان پچیس ملین کے اضافے کے ساتھ متوسط طبقہ پیدا کرنے والا چھٹا سب سے بڑا ملک ہے۔انہوں نے کہا کہ ڈیجیٹل تبدیلی کے لیے تیز تر کوششیں اس بڑھتے ہوئے متوسط طبقے کے لیے ملک کی پیداواری صلاحیت کو بہت بہتر بنا سکتی ہیں۔

اس موقع پر یو این ڈی پی پاکستان کے ریذیڈنٹ نمائندہ ڈاکٹر سیموئل رزک کا کہنا تھا کہ ‘اس رپورٹ کو شروع کرنے سے، ہمارا مقصد مستقبل پر مبنی پاکستان میں اپنا حصہ ڈالنا ہے جہاں ڈیجیٹل تبدیلی پاکستان کی ترقی کے لیے اہم سنگ میل ثابت ہوگا۔

رپورٹ میں بتایا گیا ہے کہ ناکافی ڈیجیٹل انفراسٹرکچر اور قوت خرید کی کمی کے باعث ملک کے 54.3 فیصد لوگوں کو انٹرنیٹ تک رسائی نہیں ہے۔ ڈیجیٹل ٹیکنالوجی تک مساوی رسائی کے بغیر، پاکستان کی انسانی ترقی کے نتائج کم رہیں گے۔ 87.35 ملین انٹرنیٹ صارفین اور اہم موبائل کنیکٹیویٹی کے ساتھ، پاکستان کا ڈیجیٹل تبدیلی کا سفر ترقی کی راہ میں حائل رکاوٹین عبور کرنے کا موقع فراہم کرتا ہے۔

سمارٹ فون بنانے والی چینی کمپنی ٹیکنو نے اپنی مقبول اسپارک سیریز کا اب تک کا بہترین فون 20 پرو پلس متعارف کرادیا۔کمپنی پہلے ہی اسپارک 20، اسپارک 20 پلس کو متعارف کرا چکی ہے اور اب کمپنی نے سیریز کا نیا فون 20 پرو پلس پیش کردیا۔اسپارک 20 پرو پلس کو 78-6 انچ اسکرین اور 16 جی بی ریم جب کہ 256 جی بی میموری کے ساتھ متعارف کرایا گیا ہے۔

فون کے بیک پر دو کیمرے دیے گئے ہیں، جس میں سے مین کیمرا 108 میگا پکسل جب کہ دوسرا 2 میگا پکسل کا ہے۔اسی طرح اسپارک 20 پرو پلس کو 32 میگا پکسل سیلفی کیمرے کے ساتھ متعارف کرایا گیا ہے اور کمپنی کا دعویٰ ہے کہ فون کی کیمرا ٹیکنالوجی کو اپگریڈ کردیا گیا اور سیلفی کیمرے سے 2 کے ویڈیو بھی بنائی جا سکتی ہے۔

کمپنی نے فون کو اینڈرائیڈ 14 کے آپریٹنگ سسٹم، 5 ہزار ایم اے ایچ بیٹری اور 33 واٹ چارجر کے ساتھ متعارف کرایا گیا ہے۔کمپنی نے فوری طور پر فون کی قیمت کا اعلان نہیں کیا اور اسے چین سمیت محدود ممالک میں فروخت کے لیے پیش کیا گیا ہے۔امکان ہے کہ فون کو چند دن میں پاکستان میں بھی پیش کردیا جائے گا اور اس کی قیمت پاکستانی 50 ہزار روپے تک رکھے جانے کا امکان ہے۔

ٹیکنالوجی کمپنی گوگل نے لاکھوں کروم صارفین کو سائبر حملہ کی نشان دہی کے بعد اپنے براؤزر اپ ڈیٹ کرنے کی تنبیہ کی ہے۔کمپنی کے مطابق سائبر حملے کے سبب ہیکرز صارفین کے کمپیوٹر کا کنٹرول حاصل کر سکتے ہیں۔گوگل نے خبردار کیا کہ سائبر مجرمان نقصان دہ پوپ اپ ونڈوز یا ویب سائٹ کا استعمال کر رہے ہیں تاکہ صارفین کی نجی معلومات تک رسائی حاصل کی جاسکے۔

کمپنی کی جانب سے جاری کی جانے والی اہم اپ ڈیٹ نے براؤزر میں موجود نقص کو ختم کیا ہے جس کو صارفین گوگل کروم براؤزر کے سیٹنگز کے حصے میں جا کر حاصل کر سکتے ہیں۔گوگل کے مطابق کروم کے ابتدائی ورژن میں موجود یہ نقص سائبر حملہ آوروں کو ایک ایچ ٹی ایم ایل پیج کے ذریعے صارفین کی ڈیوائس پر حملہ کرنے میں مدد دیتا تھا، تاہم کمپنی کی جانب سے نقص کے متعلق واضح طور پر نہیں بتایا گیا۔

عموماً جب سکرین پر کوئی جعلی ایچ ٹی ایم ایل پیج نمودار ہوتا ہے جو دکھنے میں تو عام ویب سائٹ سا ہوتا ہے لیکن صارف کے اس پر کلک کرنے کے بعد ہیکرز کمپیوٹر پر قبضہ کرتے ہوئے معلومات چرا سکتے ہیں۔یہ ایچ ٹی ایم ایل پیج بطور پوپ اپ بھی سامنے آسکتے ہیں اور صارفین کو تازہ ترین اینٹی وائرس سافٹ ویئر یا براؤزر ڈاؤن لوڈ کرنے کے متعلق کہہ سکتے ہیں لیکن اس کے بجائے ایسے سافٹ ویئر ڈاؤن لوڈ کر دیئے جاتے ہیں جس سے ہیکرز صارفین کا ڈیٹا چرا لیتے ہیں۔

 رواں سال کا پہلا مکمل سورج گرہن 8 اور 9 اپریل کی درمیانی شب ہوگا۔محکمہ موسمیات کے مطابق  سورج گرہن پاکستان میں نہیں دیکھا جاسکے گا، سورج گرہن پاکستانی وقت کے مطابق 8 اپریل کی رات 8 بج کر 42 منٹ پر شروع ہوگا۔ سورج گرہن پاکستانی وقت کے مطابق رات 11بج کر17 منٹ پر عروج پر ہوگا جب کہ اس کا اختتام 9 اپریل کی رات ایک بج کر 52 منٹ پر ہوگا۔

سورج گرہن مغربی یورپ، شمالی اور جنوبی امریکا میں دیکھاجاسکےگا۔اس کے علاوہ سال کا پہلا مکمل سورج گرہن بحرالکاہل، بحراوقیانوس اور  بحرمنجمدمیں دیکھاجاسکےگا۔واضح رہے کہ اگست 2017 کے بعد یہ پہلا موقع ہوگا جب امریکا میں مکمل سورج گرہن کا مشاہدہ کیا جائے گا اور اگلی بار اسے دیکھنے کے لیے خطے کے لوگوں کو اگست 2044 تک انتظار کرنا ہوگا۔دنیا میں آخری بار مکمل سورج گرہن دسمبر 2021 میں ہوا تھا مگر اس کا مشاہدہ صرف انٹار کٹیکا میں ہوا تھا۔

چینی ٹیکنالوجی کی بڑی کمپنی ’شیاؤمی‘ نے اپنی پہلی الیکٹرک کار متعارف کرا دی۔غیر ملکی خبر رساں ادارے کی رپورٹ کے مطابق چین میں الیکٹرک گاڑیوں (ای وی) کے سیکٹر تیزی سے پھیلا ہے، درجنوں مقامی آٹو ساز ادارے سخت مسابقت کی حامل منڈی میں قیمتوں کی جنگ لڑنے میں مصروف ہیں۔

کمپنی کے چیف ایگزیکٹو لی جن نے بتایا کہ وہ اب ای وی ’ایس یو 7‘ کے ساتھ چینی کار کمپنی بی وائی ڈی اور ایلون مسک کو چیلنج کرتے ہوئے اس مارکیٹ میں داخل ہو رہے ہیں۔انہوں نے پریس کانفرنس کرتے ہوئے کہاکہ ایس یو 7 کے بیسک ماڈل کی قیمت 2 لاکھ 15 ہزار 900 یوآن (29 ہزار 868 ڈالر) ہوگی جو 9 مختلف رنگوں میں ایس یو 7 دستیاب ہوگی، اس میں کراوکی اور ایک منی فریج سہولیات بھی موجود ہیں۔

شیاؤمی نے عہد کیا ہے کہ یہ 5 لاکھ یوآن سے کم قیمت والی رینج میں ’پرکشش نظر آنے والی، بہترین ڈرائیونگ اور ہوشیار ترین کار‘ ہوگی۔لی جن نے بتایا کہ ان کی کمپنی کی پہلی گاڑی کا موازنہ ٹیسلا کے ماڈل 3 سے کیا جاسکتا ہے اور اس نے کچھ پہلوؤں میں امریکی کار بنانے والی سیڈان کو پیچھے چھوڑ دیا ہے، میرا خیال ہے کہ ہم ماڈل 3 کے صارفین کو بہتر گاڑی فراہم کرسکتے ہیں۔

سال 2024 کا پہلا چاند گرہن کل (25 مارچ) کو ہوگا۔چاند گرہن پاکستان میں دیکھنا ممکن نہیں ہوگا، اس جزوی چاند گرہن کے دوران زمین کا بہت کم سایہ چاند پر نظر آئے گا، اس سے چاند کا کوئی حصہ چھپتا نہیں،اس طرح کے چاند گرہن کو ’پینمبرل‘ چاند گرہن کہا جاتا ہے، ’پینمبرل‘ چاند گرہن کے دوران چاند کی چمک معمولی ماند پڑتی ہے۔یہ چاند گرہن امریکہ، یورپ کے بیشتر ممالک، آسٹریلیا، افریقہ، شمالی اور مشرقی ایشیا میں نظر آئے گا جبکہ پاکستان کے علاوہ بھارت میں بھی اس کا نظارہ ممکن نہیں ہوگا۔

چاند گرہن 25 مارچ کو صبح 9 بجکر 53 منٹ پر شروع ہوگا جودوپہر 12 بجکر 12 منٹ پر عروج کو پہنچے گا ،چاند گرہن کا اختتام دوپہر 2 بجکر 32 منٹ پر ہوگا، مجموعی طور پر چاند گرہن کا دورانیہ 4 گھنٹے 40 منٹ ہوگا۔واضح رہے رواں سال کا دوسرا جزوی چاند گرہن 17 ستمبر کو ہوگا۔

سمارٹ فون بنانے والی چینی کمپنی رئیل می نے اپنی معروف سیریز 12 کا تیسرا اور قدرے سستا فون متعارف کرادیا۔کمپنی نے چند ہفتے قبل رئیل می 12 پرو اور رئیل می 12 پرو پلس متعارف کرایا تھا، جنہیں فیچرز کے حوالے سے اچھے فون قرار دیا گیا تھا۔اب کمپنی نے 12 سیریز کا سستا فون رئیل می 12 متعارف کرایا ہے، جس سے متعلق کمپنی کا دعویٰ ہے کہ محض ایک گھنٹے میں فون کی بیٹری زیرو سے 100 فیصد تک چارج کی جا سکتی ہے۔

رئیل می 12 کو 72-6 انچ اسکرین اور اینڈرائیڈ 14 کے آپریٹنگ سسٹم جب کہ فائیو جی سپورٹ کے ساتھ متعارف کرایا گیا ہے۔فون کو صرف 6 جی بی ریم اور 128 جی بی میموری کے ساتھ پیش کیا گیا ہے اور اس میں فنگر پرنٹ سینسر سمیت دیگر سیکیورٹی فیچرز بھی دیے گئے ہیں۔رئیل می 12 کے بیک پر دو کیمرے دیے گئے ہیں، جس میں سے مین کیمرا 108 میگا جب کہ دوسرا دو میگا پکسل کا دیا گیا ہے جب کہ فرنٹ پر 8 میگا پکسل سیلفی کیمرا دیا گیا ہے۔

فون کو 5 ہزار ایم اے ایچ کی طاقتور بیٹری جب کہ 45 واٹ کے فاسٹ چارجر کے ساتھ متعارف کرایا گیا ہے اور کمپنی کا دعویٰ ہے کہ فون کو محض ایک گھنٹے میں زیرو سے 100 فیصد تک چارج کیا جا سکتا ہے۔کمپنی نے فون کو فوری طور پر چین اور بھارت میں متعارف کرایا ہے، تاہم جلد ہی اسے پاکستان سمیت دیگر ممالک میں بھی پیش کردیا جائے گا۔کمپنی نے رئیل می 12 کی پاکستانی قیمت 57 ہزار روپے تک رکھی ہے، تاہم ممکنہ طور پر اسے پاکستان میں پیش کرتے وقت اس کی قیمت مزید کم کردی جائے گی۔

سوشل ویب سائٹ فیس بک، تھریڈز اور انسٹاگرام کی سروس ایک گھنٹے ڈاؤن رہنے کے بعد بحال ہونا شروع ہوگئیں۔تینوں پلیٹ فارمز کی سروسز 5 مارچ کی رات 8 بجے کے بعد ڈاؤن ہونا شروع ہوئی تھیں اور صارفین کے اکاؤنٹ از خود لاگ آؤٹ ہوگئے تھے۔تینوں پلیٹ فارمز کی مالک کمپنی میٹا نے تینوں پلیٹ فارمز کی سروسز متاثر ہونے کا اعتراف کرتے ہوئے بتایا تھا کہ کمپنی کے ماہرین سروسز بحال کرنے میں مصروف ہیں۔

میٹا کے پیج پر تصدیق کی گئی تھی کہ دنیا بھر کے صارفین کو فیس بک لاگ ان میں مسائل کا سامنا ہے اور کمپنی کے ماہرین مسئلے کو حل کرنے میں مصروف ہیں۔میٹا کی جانب سے اپنے پروفیشنل پلیٹ فارم ورک پلیس پر بھی لاگ ان ہونے کی کوشش کے وقت پیغام دیا جانے لگا تھا کہ جلد ہی صارفین اپنے اکاؤنٹس تک رسائی کرنے میں کامیاب ہوجائیں گے۔اگرچہ میٹا کی جانب سے واضح کیا گیا تھا کہ کمپنی تینوں پلیٹ فارمز کی سروس میں آنے والے مسئلے سے متعلق آگاہ ہے، تاہم یہ نہیں بتایا گیا کہ تینوں پلیٹ فارمز کس خرابی کی وجہ سے متاثر ہوئے۔فیس بک، تھریڈز اور انسٹاگرام کے کاؤنٹس پاکستان سمیت دنیا بھر میں متاثر ہوئے تھے صارفین کے اکاؤنٹس ازخود لاگ آؤٹ ہوگئے اور کوششوں کے باوجود صارفین اکاؤنٹس تک رسائی حاصل نہیں کر پائے۔

سمارٹ فون بنانے والی چینی کمپنی ٹیکنو نے رواں سال کا بہترین کیمرا کا حامل اپنا فون پووا 6 متعارف کرادیا۔ٹیکنو پووا 6 کو 78-6 انچ اسکرین جب کہ طاقتور ترین بیٹری اور فاسٹ ترین چارجر کے ساتھ متعارف کرایا گیا ہے۔فون کو 6 ہزار ایم اے ایچ کی بیٹری اور 70 واٹ کے فاسٹ چارجر کے علاوہ فنگر پرنٹ سینسر اور دیگر سیکیورٹی فیچرز کے ساتھ پیش کیا گیا ہے۔

ٹیکنو پووا 6 کے بیک پر دو جب کہ فرنٹ پر ایک سیلفی کیمرا دیا گیا ہے، فون کے بیک پر مین کیمرا 108 میگا پکسل جب کہ دوسرا محض 2 میگا پکسل دیا گیا ہے۔فون کے فرنٹ پر 32 میگا پکسل سیلفی کیمرا دیا گیا ہے جب کہ کمپنی کا دعویٰ ہے کہ فون کے کیمرا ٹیکنالوجی کو مزید بہتر کردیا گیا۔

فون کو 8 اور 12 جی بی ریم جب کہ 256 جی بی میموری کے ماڈیولز اور مختلف رنگوں میں پیش کیا گیا ہے۔فون کے 8 جی بی ریم ماڈیول کی قیمت 63 ہزار روپے جب کہ 12 جی بی ریم کی قیمت 74 ہزار روپے رکھی گئی ہے۔فون کو ابتدائی طور پر چین میں متعارف کرایا گیا ہے، تاہم اسے جلد ہی پاکستان سمیت خطے کے دیگر ممالک میں پیش کردیا جائے گا۔

گوگل کی ای میل سروس ’جی میل ‘ عالمی سطح پر مقبول ترین ای میل کمیونیکیشن سروس کے طور پر جانی جاتی ہے جس سے متعلق گزشتہ کچھ دنوں سے افواہیں ہیں کہ یہ اگست 2024 میں بند ہوجائے گا۔دفتری ملازمین، طالب علموں اور مالیاتی اداروں سمیت سب کے لیے انٹرنیٹ ایک بنیادی ضرورت ہے اور ای میلز متعدد آفیشل کاموں کے لیے کی جاتی ہیں جن کے لیے جی میل کا استعمال ہوتا ہے۔

حال ہی میں سوشل میڈیا پر ایک پوسٹ سامنے آئی جس میں ای میل کا اسکرین شاٹ شیئر کیا گیا جس کا عنوان  ‘Google is sunsetting Gmail’ تھا جس کے بعد سوشل میڈیا صارفین سخت پریشانی کا شکار ہوگئے کہ کیا واقعی جی میل بند ہوجائے گی۔اسکرین شاٹ میں گوگل کی جانب سے مطلوبہ پیغام میں لکھا گیا ہے کہ ‘دنیا بھر میں لاکھوں لوگوں کو جوڑنے، بغیر کسی رکاوٹ کے مواصلات کو فعال کرنے اور لاتعداد رابطوں کو فروغ دینے کے بعد Gmail کا سفر اختتام پذیر ہو رہا ہے، یکم اگست 2024 سے Gmail باضابطہ طور پر بند ہوجائے گا’۔

یہ پوسٹ سامنے آتے ہی وائرل ہوگئی جس کے بعد صارفین کے ذہنوں میں مختلف سوالات نے جنم لیا۔افواہوں کو مزید روکنے کے لیے گوگل نے اپنے آفیشل جی میل ایکس اکاؤنٹ پر ٹوئٹ کی اور بتایا کہ یہ تمام خبریں جھوٹی ہیں اور   Gmail اپنی سروس بلا تعطل جاری رکھے گا۔

چینی سمارٹ موبائل فون کمپنی ’زیڈ ٹی اِی‘ نے اب تک کا سب سے سستا فولڈ ایبل فون متعارف کرادیا۔عام طور پر فولڈ ایبل فونز کی قیمت پاکستانی ڈھائی سے تین لاکھ روپے کے درمیان ہوتی ہے، تاہم بعض فونز کی قیمت ساڑھے تین لاکھ روپے تک بھی جا پہنچتی ہے۔تاہم ’زیڈ ٹی اِی‘ نے دیگر کمپنیوں کے مقابلے انتہائی سستا فولڈ ایبل فون متعارف کرادیا، جسے جاپان میں فروخت سے قبل آن لائن خریدنے پر مزید رعایت بھی دینے کا اعلان کردیا گیا۔

کمپنی نے ’زیڈ ٹی اِی: لبیرو فلپ‘ کو متعارف کراتے ہوئے اس کی جاپان میں پری آرڈر بکنگ پر تقریبا 50 فیصد رعایت کا بھی اعلان کردیا۔فون کو 7-6 انچ اسکرین، اینڈرائیڈ 13 کے آپریٹنگ سسٹم جب کہ 6 جی بی ریم اور 128 جی بی میموری کے ساتھ متعارف کرایا گیا ہے۔’زیڈ ٹی اِی: لبیرو فلپ‘ کے بیک پر دو کیمرے دیے گئے ہیں، جس میں سے مین کیمرا 50 میگا پکسل جب کہ دوسرا 2 میگا پکسل کا ہے۔

اسی طرح فون کے فرنٹ پر ہول پنچ کے ساتھ 16 میگا پکسل سیلفی کیمرا دیا گیا ہے۔فولڈ ایبل فون کو 4300 ایم اے ایچ بیٹری اور 33 واٹ کے فاسٹ چارجر سمیت فنگر پرنٹ سینسر اور دیگر سیکیورٹی فیچرز کے ساتھ متعارف کرایا گیا ہے۔

کمپنی نے فون کی مجموعی قیمت ایک لاکھ 17 ہزار روپے رکھی ہے، تاہم مختلف ممالک میں اسے فروخت کے لیے پیش کرتے وقت اس میں مزید کمی کرنے کا امکان ہے۔’زیڈ ٹی اِی: لبیرو فلپ‘ کو جلد ہی پاکستان سمیت خطے کے دیگر ممالک میں بھی پیش کیا جائے گا اور ممکنہ طور پر پاکستان میں اس کی قیمت کم کرکے ایک لاکھ روپے تک کردی جائے گی۔

پاکستان کے مختلف شہروں میں ایک بار پھر مقبول سوشل میڈیا پلیٹ فارم ایکس کی سروس ڈاؤن ہوگئی ہے جس کی وجہ سے لاکھوں صارفین کو مشکلات کا سامنا کرنا پڑ رہا ہے۔سوشل میڈیا کی بندش اور مانیٹرنگ سروس ڈاؤن ڈیٹیکٹر کے مطابق پاکستان میں ہفتے کی رات 9 بجے سے ایکس ڈاؤن ہے، صارفین کی شکایت ہے کہ انہیں ٹوئٹس اور نئی پوسٹس دیکھنے میں پریشانی ہو رہی ہے۔

اس کےعلاوہ صارفین ایکس پر نہ ٹوئٹ کرسکتے ہیں اور نہ کوئی ویڈیو اپلوڈ کرسکتے ہیں۔ڈاؤن ڈیٹیکٹر کے مطابق ہفتے کی رات رات 9 بجے ایکس کی بندش کی کم از کم 185 شکایات موصول ہوئیں، جو رات 9 بجکر 24 منٹ تک 239 ہو گئیں۔

اس کےعلاوہ سائبر سیکیورٹی واچ ڈاگ نیٹ بلاکس نے بھی ’لائیو میٹرکس‘ کا حوالہ دیتے ہوئے ایکس سروس کی بندش کی تصدیق کی ہے۔قبل ازیں ملک میں 8 فروری کو ہونے والے عام انتخابات کے دوران پاکستان کو انٹرنیٹ اور سوشل میڈیا پلیٹ فارم کی بندش کا سامنا تھا۔اس دوران ملک میں ’سیکیورٹی خدشات کی وجہ سے‘ موبائل فون سروس بھی بند کردی گئی تھی، ایکس سروس کی بندش کی وجہ سے ہزاروں صارفین کو ٹوئٹس کرنے اور نئی ٹوئٹس دیکھنے میں مشکلات کا سامنا کرنا پڑاتھا۔

سمارٹ فون بنانے والی چینی کمپنی شیاؤمی نے اپنے برانڈ ریڈمی کے اے سیریز کا سستا ترین فون متعارف کرادیا۔کمپنی نے ریڈمی اے تھری کو 7-6 انچ اسکرین اور فنگر پرنٹ سینسر سمیت دیگر سیکیورٹی فیچرز کے ساتھ متعارف کرایا ہے۔ریڈمی اے 3 کو اینڈرائیڈ 14 کے آپریٹنگ سسٹم جب کہ ہیلیو جی 360 کی چپ میں پیش کیا ہے، اسے مختلف میموری ماڈیولز میں متعارف کرایا گیا ہے۔

کمپنی نے فون کو 5 ہزار ایم اے ایچ بیٹری جب کہ 10 واٹ کے فاسٹ چارجر کے ساتھ متعارف کرایا ہے۔فون کے بیک پر ایک 5 میگا پکسل سیلفی کیمرا دیا گیا ہے جب کہ بیک پر دو کیمرے دیے گئے ہیں۔ریڈمی اے 3 کے بیک پر مین کیمرا 8 میگا پکسل دیا گیا ہے جب کہ دوسرا کیمرا کو اس سے کم پکسلز کا دیا گیا ہے، تاہم کمپنی کا دعویٰ ہے کہ فونز کے کیمروں کی ٹیکنالوجی اپڈیٹ سینسرز سے لیس ہے۔

فون کو 3، 4 اور جی بی ریم جب کہ 64 اور 128 جی بی میموری کے ساتھ متعارف کرایا گیا ہے۔کمپنی نے سب سے کم 3 جی بی ریم اور 64 جی بی میموری ماڈیول کی پاکستانی قیمت 24 ہزار، 4 جی بی ریم اور 128 جی بی میموری ماڈیول کی قیمت 27 ہزار روپے رکھی ہے۔

کمپنی نے سب سے مہنگے یعنی 6 جی بی ریم اور 126 جی بی میموری ماڈیول کی قیمت محض 30 ہزار روپے رکھی ہے۔فون کو ابتدائی طور پر چند ممالک میں فروخت کے لیے پیش کیا گیا ہے، تاہم اسے جلد ہی پاکستان سمیت خطے کے دیگر ممالک میں بھی پیش کردیا جائے گا۔a