علامہ اقبال اوپن یونیورسٹی کے سمسٹر خزاں کے داخلے 05ستمبر تک  جاری رہیں گے

علامہ اقبال اوپن یونیورسٹی کے سمسٹر خزاں 2024ء کے میٹرک (جنرل)، میٹرک درس نظامی(ثانویہ عامہ)، میٹرک اوپن کورسز)، ایف اے(جنرل)، ایف اے درس نظامی(ثانویہ خاصہ)، ایف اے اوپن کورسز، شارٹ ٹرم کورسز، فریش اور پہلے جاری طلباء وطالبات کے لیے داخلہ جات 05ستمبر 2024تک جاری رہیں گے جبکہ دوسرے مرحلے کے داخلہ جات یکم ستمبر 2024سے شروع ہوں گے۔ یہ بات ملتان کیمپس کے ریجنل ڈائریکٹر غلام حسین کھوسہ نے کہی۔

انہوں نے مزید کہا کہ میرٹ بیسڈ پروگراموں میں پی ایچ ڈی پرگرام میں اسلامیات (جنرل، انٹرفیتھ سٹڈیز، سیرت سٹڈیز)، ماس کمیونیکیشن، کیمسٹری، انوائرمینٹل سائنسز، ایم فل پروگرام میں اسلامیات(انٹرفیتھ،حدیث اینڈ حدیٹ سائنسز،سیرت سٹڈیز)،انگلش(لٹریچر، اقبالیات، ایگریکلچرل ٹیکنالوجی، کیمسٹری، انوائرمینٹل سائنسز، میتھ، مائیکرو بیالوجی اینڈ مالیکیولر جینیٹکس، شماریات، ایم ایس کمیونٹی ہیلتھ اینڈ نیوٹریشن، ایم بی اے دو سالہ ڑیڑھ سالہ، ایم بی اے/ایم پی اے کامن ویلتھ پروگرامز، بی ایس چار سالہ پروگرام میں (ایف اے /ایف ایس سی کی بنیاد پر)  باٹنی، بائیو کیمسٹری، کیمسٹری(ایوننگ کلاسز)انوائرمینٹل سائنسز، ہیومین نیوٹریشن اینڈ ڈائٹیٹکس، ہیلتھ اینڈ فزیکل ایجوکیشن، انسٹرکشنل ڈیزائن اینڈ ٹیکنالوجی، ریاضی، مائیکرو بیالوجی، فزکس، شماریات، فزکس(ڈیٹا سائنسز مائنر)، بی ایس اڑھائی سالہ پروگرام میں (بی ایس سی کی بنیاد پر)باٹنی، بائیو کیمسٹری، کیمسٹری(ایوننگ)، انوائرمینٹل سائنسز، ریاضی، مائیکرو بیالوجی، فزکس، شماریات، بی ایس دوسالہ پروگرام میں (اے ڈی ایس کی بنیاد پر) کیمسٹری(ایوننگ)، اینوائرمینٹل سائنسز، ریاضی،  اینوائرمینٹل سائنسز،ریاضی، شماریات، بی ای سی آنر (ایگرویکلچر) جبکہ پوسٹ گریجویٹ ڈپلومہ میں ڈیٹا سائنسز، آٹو کیڈ (سول)، مینیفکرچنگ سرفیسٹینٹ بیسڈ پروڈکٹس میں داخلہ جات کی تاریخ 20 اگست 2024 مقرر کی گئی ہے۔

ریجنل کیمپس ملتان میں طلباء وطالبات کی سہولت کے لیے فرنٹ ہیلپ ڈیسک بنا دیا گیا ہے جہاں فریش طلبہ اپنا آن لائن داخلہ جبکہ پہلے سے جاری طلباء وطالبات اپناداخلہ فارم حاصل کر سکتے ہیں۔

تحصیل سطح پربھی پراسپیکٹس سیل پوائنٹ قائم کر دیئے گئے ہیں تاکہ دور دراز سے تعلق رکھنے والے طلباء وطالبات اپنے قریبی سیل پوائنٹ سے داخلہ فارم حاصل کرسکیں۔

تمام طلباء و طالبات داخلہ فیس بینک چالان، جاز کیش، ایزی پیسہ اور یو پیسہ کی موبائل ایپ *786#USSDسٹرنگ /ریٹیلر ایجنٹ/فرنچائرز اور موبی لنک،ٹیلی نار،یو بینک کی برانچز کے ذریعے بھی جمع کروا سکتے ہیں جبکہ یونیورسٹی ہذا کے تمام پراسپیکٹس اور داخلہ فارم یونیورسٹی ہذا کی ویب سائٹ www.aiou.edu.pkسے بھی ڈاؤن لوڈ کئے جا سکتے ہیں۔

داخلوں کے بارے میں مزید معلومات یونیورسٹی کے علاقائی کیمپس واقع شاہ رکن عالم کالونی میں بذات خود یا فون نمبر (061)9220201(061)9330410پرلی جا سکتی ہے۔

اشتہار