غزہ کی پٹی میں کم از کم 11000 زخمی اور بیمار فلسطینیوں کو علاج کی ضرورت ہے
شہید فلسطینیوں کی تعداد27,840 ہو گئی
- غزہ کی پٹی میں کم از کم 11000 زخمی اور بیمار فلسطینیوں کو علاج کی ضرورت ہے
- علاج کے لیے فوری طور پر دوسرے ممالک میں بھیجنے کی ضرورت ہے۔ وزارت صحت
غزہ کی پٹی میں کم از کم 11000 زخمی اور بیمار فلسطینیوں کو علاج کے لیے فوری طور پر دوسرے ممالک میں بھیجنے کی ضرورت ہے۔ وزارت صحت کے ترجمان اشرف الکدرا نے ایک بیان میں کہا، مریضوں کی جان بچانے کی ضرورت ہے کیونکہ غزہ میں جاری اسرائیلی جنگ کی وجہ سے طبی عملے اور آلات کی کمی کے درمیان وزارت ان کے لیے تمام طبی خدمات فراہم نہیں کر سکتی۔ انہوں نے کہا کہ فی الحال، وزارت شمالی غزہ میں اسپتالوں کے کچھ حصوں کو چلانے کے قابل ہے، لیکن ہمیں اپنا کام جاری رکھنے کے لیے طبی سامان اور ایندھن کی آمد اور جنوب سے طبی ٹیموں کی واپسی کی ضرورت ہے۔وزارت نے کہا کہ غزہ پر جاری اسرائیلی حملوں میں اب تک خواتین اور بچوں سمیت 27708 فلسطینی جاں بحق جب کہ 67147 دیگر زخمی ہوئے ہیں۔
فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی (یواین آرڈبلیو اے) کے مطابق پٹی میں اس کی 84 فیصد صحت کی سہولیات اسرائیلی حملوں سے متاثر ہوئی ہیں۔
- شہید فلسطینیوں کی تعداد27,840 ہو گئی۔الجزیرہ ٹی وی
- عمارتوں کے ملبے کے نیچے اور سڑکوں پر متعدد زخمی موجود ہیں
الجزیرہ ٹی وی کے مطابق غزہ میں اسرائیلی حملوں میں شہید فلسطینیوں کی تعداد27,840 ہو گئی ہے غزہ میں وزارت صحت کے مطابق 7 اکتوبر سے پٹی پر جاری اسرائیلی جارحیت سے شہید ہونے والوں کی تعداد بڑھ کر 27,840 ہو گئی ہے اور 67,147 زخمی ہو چکے ہیں۔ ایک بیان میں کہا کہ اسرائیلی قابض فوج نے “غزہ کی پٹی میں خاندانوں کے خلاف 16 قتل عام کیے، جس میں گذشتہ 24 گھنٹوں کے دوران 130 شہید اور 169 زخمی ہوئے۔”وزارت صحت نے کہا کہ اب بھی “ملبے کے نیچے اور سڑکوں پر متعدد زخمی موجود ہیں اور قابض فوج ایمبولینسوں اور شہری دفاع کے عملے کو ان تک پہنچنے سے روک رہی ہے۔
غزہ میں وزارت صحت کے ترجمان، اشرف القدرہ نے کہا کہ “11,000 زخمی اور بیمار افراد کو علاج کی اشد ضرورت ہے اور ان کی جان بچانے کے لیے غزہ کی پٹی چھوڑنا فوری ترجیح ہے۔”القدرہ نے مزید کہا کہ “ہم شمالی غزہ میں ہسپتالوں کے کچھ حصوں کو چلانے کی کوشش کی لیکن ہمیں طبی سامان اور ایندھن کی آمد اور اپنا کام جاری رکھنے کے لیے جنوب سے طبی ٹیموں کی واپسی کی ضرورت ہے
