راولپنڈی وومین چیمبر آف کامرس اینڈ انڈسٹر ی میں سالانہ جنرل میٹنگ کا انعقاد
راولپنڈی وومین چیمبر آف کامرس اینڈ انڈسٹری کے زیر اہتمام سالانہ اے جی ایم (سالانہ جنرل میٹنگ2023) کا انعقاد گزشتہ روز مورخہ 28ستمبر 2023کو صنعت زار ہال میں ہوا۔تقریب سے خطاب کر تے ہوئے جنرل سیکرٹری جنید یوسف نے سالانہ سرگرمیوں، آڈٹ اور اخراجات کی رپورٹ اور دل دل پاکستان نمائش کی رپورٹ پیش کی جسے متفقہ طور پر منظور کیا۔تقریب کے مہمان خصوصی ایف پی سی سی آئی کے چیف کورآرڈینیٹر مرزا عبدالرحمن اور سارک کی چیئرپرسن، نیشنل بزنس وومین کونسل کی چیئرپرسن مس حنا منصب خان تھیں۔تقریب کا آغاز تلاوت کلام پاک سے ہوا۔ آنے والے معزز مہمانان گرامی کو خوش آمدید کہا گیا۔تقریب کے آخر میں چیمبر کے شرکا ء کی تواضع ریفریشمنٹ سے کی گئی۔ تقریب کا آغاز دن ۱یک بجے ہو ا ۔
اس موقع پر خطاب کر تے ہوئے ایف پی سی سی آئی کے چیف کوآرڈینیٹر مرز ا عبدالرحمن نے کہا کہ وہ راولپنڈی وومین چیمبر کی جانب سے مدعو کرنے پر سب کے شکر گزار ہیں۔ راولپنڈی وومین چیمبر آف کامرس کی جانب سے سالانہ جنرل میٹنگ کا انعقاد خوش آئند ہے۔ ڈی جی ٹی او ایک غیر جانبدار ادارہ ہے جو تمام ٹریڈ باڈیز کے معاملات کو بخوبی پایہ تکمیل تک پہنچا رہا ہے۔ انہو ں نے کہا کہ چیمبر کی خواتین میں بزنس کے حوالے سے آگاہی سیشنز کا انعقاد کروایا جائے۔راولپنڈی وومین چیمبر آف کامرس کی معزز ممبران گروپ لیڈر مس حنا منصب خان، فاونڈر صدر عاصمہ کنول،سابق صدر مس عنبرین، سینئر نائب صدر مس صبوحی حسین اور جنرل ممبران نے اس موقع پر خطاب کر تے ہوئے کہا کہ صدر راولپنڈی وومین چیمبر آف کامرس اینڈ انڈسٹری رفعت شاہین نے چیمبر کی عزت اور وقار کو سبوتاژ کیا ہے اورچیمبر کی خواتین کی عزت کو سبوتاژ کیا ہے۔آوٹ آف دی وے جا کر چیمبر کیلئے غلط چیزیں بولیں، جس کے ساری تفصیلات بھی سب کو دکھائی جا چکی ہیں۔ تمام ممبران نے متفقہ فیصلہ کیاکہ وہ ساری چیزیں مد نظر رکھتے ہوئے موجودہ صدر رفعت شاہین پر عدم اعتماد کا اعلان کر تے ہیں۔تمام شرکاء نے متفقہ طور پر سینئر نائب صدر مس صبوحی حسین کو قائمقام صدر اور مس منتہی شاہ رخ سینئر نائب صدر اور مس شبانہ اجمل کو قائمقام نائب صدر مقرر دیا۔
اس موقع پر Resolutionمیں یہ شامل کیا گیا کہ کوئی بھی صدر جو ایگزیکٹو باڈی اور جنرل سیکرٹری کو ساتھ لیکر نہیں چکے گایا چیمبر کے سینئرز کو ساتھ لے کر نہیں چلے گا۔چیمبر کی عزت کو نقصان پہنچائے گا۔ چیمبر کو سبوتاژ کرنے کی کوشش کریگا تو ایگزیکٹو باڈی کو اس بات کااختیار حاصل ہے کہ وہ صدر یا کسی بھی دوسرے عہدیدار کو ڈس کوالیفائی کر سکیں۔سالانہ جنرل اجلا س میں فاونڈر صدر اسماء کنول، قائمقام صدر مس صبوحی حسین، سابق صدر عنبرین، سابق سینئر نائب صدر مس الماس، سابق نائب صدر فوزیہ تبسم،ایگزیکٹو ممبر مس یسریٰ ندیم، ایگزیکٹو ممبرعائشہ جاوید، ایگزیکٹو ممبر مسرت جبیں، ایگزیکٹو ممبر شبانہ اجمل، ایگزیکٹو ممبر کرن ناز، ایگزیکٹو ممبر مس نسیم اقبال، جنرل ممبر مس رافعہ معروف، جنرل ممبر مس حنا ذولفقار،جنرل ممبر عائشہ کرن، سابق صدر عظمی شاہد بٹ، جنرل ممبر رضیہ سلطانہ،جنرل ممبر مس فارقی، جنرل ممبر مس نازمہ، جنرل ممبرشمائلہ کوثر، جنرل اور کور ممبر مس رخشندہ جبیں، مس روبینہایگزیکٹو ممبر مس ماورا، ایگزیکٹو ممبر صائمہ ندیم،، مس تانیہ، مس ارم،مس رافعہ معروف،ایچ آر مس نورین طارق، ایچ آر مس زبیدہ اصغر، اسسٹنٹ جنرل سیکرٹری مس ماہ نور، جنرل سیکرٹری اور دیگر ممبران نے شرکت کی۔۔تھانہ صادق آباد پولیس کے عملے نے سیکیورٹی کے بخوبی فرائض سر انجام دیئے۔
