بھارتی فوج کی بربریت عروج پر،48گھنٹوں میں 9 کشمیری شہید کر ڈالے

مقبوضہ کشمیر میں قابض بھارتی فورسز  نے ریاستی دہشتگردی کا سلسلہ جاری رکھتے ہوئے 48 گھنٹوں کے دوران 9 کشمیریوں کو شہید کر دیا۔

کشمیر میڈیا سروس (کے ایم ایس) کے مطابق قابض بھارتی فورسز نے سری نگر میں مزید 3 کشمیری نوجوانوں کو شہید کیا۔

کے ایم ایس کے مطابق بھارتی فوج نے کشمیری نوجوانوں کو سرچ آپریشن اور محاصرے کی آڑ  میں شہید کیا۔

کشمیر میڈیا سروس کے مطابق مقبوضہ کشمیر میں 48 گھنٹوں میں شہید کشمیریوں کی تعداد 9 ہو گئی ہے۔

یاد رہے کہ گزشتہ روز بھی بھارتی فورسز نے تین کشمیری نوجوانوں کو شہید کیا تھا جبکہ اس سے ایک روز قبل بھی بھارتی فورسز نے تین کشمیریوں کو شہید کیا تھا۔