بسم اللہ الرحمن الرحیم

کھیل

ڈاکٹر نعمان نیاز نے شعیب اختر سے معاف مانگ لی

پاکستان ٹیلی وژن (پی ٹی وی) اسپورٹس کے میزبان ڈاکٹر نعمان نیاز نے سابق کرکٹر شعیب اختر سے براہ راست پروگرام کے دوران بدتمیزی کیے جانے پر معافی مانگ لی۔

ڈاکٹر نعمان نیاز نے میزبان رئوف کلاسرا کو یوٹیوب پر دیے گئے انٹرویو میں شعیب اختر کو ’سپر اسٹار‘ قرار دیتے ہوئے ان سے غیر مشروط معافی مانگی اور اعتراف کیا کہ بطور میزبان براہ راست پروگرام کے دوران ہونے والی بدتمیزی کے واقعے کے وہی ذمہ دار ہیں۔

میزبان کے سوال پر ڈاکٹر نعمان نیاز نے اعتراف کیا کہ پروگرام کے دوران جو کچھ بھی ہوا، وہ نہیں ہونا چاہیے تھا اور یہ کہ انہیں میزبان ہونے کے ناتے معاملات کو سنبھالنا چاہیے تھا، انہیں ایسا رویہ اختیار نہیں کرنا چاہیے تھا۔

انہوں نے واضح کیا کہ انہیں واقعے پر معافی مانگنے میں کوئی ججھک نہیں ہے اور نہ ہی ان میں غرور ہے، بلکہ پروگرام ختم ہونے کے فوری بعد ہی انہیں احساس ہوگیا تھا کہ جو کچھ ہوا، وہ نہیں ہونا چاہیے تھا۔

ان کے مطابق مذکورہ پروگرام سے قبل انہوں نے شعیب اختر کےہمراہ مل کر کئی دن تک تیاری کی اور جو لوگ یہ کہ رہے ہیں کہ سب کچھ مکمل منصوبہ بندی کے تحت ہوا، وہ غلط دعوے کر رہے ہیں۔

انہوں نے پورے واقعے پر ندامت کا اظہار کرتے ہوئے شعیب اختر سے معافی مانگی اور کہا کہ وہ براہ راست پروگرام میں کی گئی بدتمیزی کی سزا بھگت رہے ہیں اور مزید بھی بھگتنے کو تیار ہیں۔

Back to top button