پاکستان اور نیوزی لینڈ کے درمیان پہلا ون ڈے میچ آج کھیلا جائیگا

پاکستان کرکٹ ٹیم آج راولپنڈی میں نیوزی لینڈ سے پہلا ون ڈے میچ کھیلے گی۔ ڈے اینڈ نائٹ میچ دوپہر ڈھائی بجے شروع ہوگا۔

کیوی ٹیم اٹھارہ سال بعد پہلی بار پاکستان میں کھیل رہی ہے۔ ون ڈے سیریز کی ٹرافی کی رونمائی ہوگئی۔

کورونا کے باعث اسٹیڈیم کی گنجائش کے پچیس فیصد یعنی چار ہزار پانچ سو شائقین اسٹیڈیم میں میچ دیکھ سکیں گے۔

قومی ٹیم کے کپتان بابر اعظم کا کہنا ہے کہ ایسا نہیں لگتا کہ رمیز راجہ انہیں یا ٹیم کو سپورٹ نہیں کررہے، نہ ہی انہیں محسوس ہوا کہ نئے چیئرمین کپتان بدلنا چاہتے ہیں۔

بابر اعظم کا کہنا تھا کہ مصباح اور وقار یونس کے نہ ہونے سے ان پر کافی ذمے داری ہے، ٹی ٹوئنٹی ورلڈ کپ کو سامنے رکھتے ہوئے اسکواڈ میں تین اسپنرز شامل کیے گئے ہیں۔