بسم اللہ الرحمن الرحیم

قومی

آرمی چیف کی تاجکستان کے وزیر دفاع سے ملاقات،تاجک سرحد کی صورتحال پر تبادلہ خیال

پاک تاجک تعلقات مشترکہ مذہب اور ثقافت پر مبنی ہیں، پاکستان تاجکستان کے ساتھ برادرانہ تعلقات کو بہت اہمیت دیتا ہے،آرمی چیف


آرمی چیف جنرل قمرجاوید باجوہ سے تاجکستان کے وزیر دفاع نے ملاقات کی اور افغانستان بالخصوص تاجک افغان سرحد کی صورتحال پر تبادلہ خیال کیا۔

انٹرسروسز پبلک ریلیشنز (آئی ایس پی آر) کے مطابق ملاقات کے دوران باہمی دلچسپی، مجموعی علاقائی صورتحال سمیت پاک تاجک دفاعی اشتراک بڑھانےکے اقدامات پر بھی تبادلہ خیال کیا گیا۔

آئی ایس پی آر کے مطابق آرمی چیف کا کہنا تھا کہ پاک تاجک تعلقات مشترکہ مذہب اور ثقافت پر مبنی ہیں، پاکستان تاجکستان کے ساتھ برادرانہ تعلقات کو بہت اہمیت دیتا ہے۔

آرمی چیف جنرل قمرجاوید باجوہ نے علاقائی روابط کی جانب تاجکستان کی کوششوں کو سراہا۔

اس موقع پر تاجک وزیر دفاع نے بھی علاقائی امن واستحکام بالخصوص افغان امن عمل میں پاکستان کے کردار کو سراہا۔

آئی ایس پی آر کے مطابق تاجک وزیردفاع نے پاکستان سے بہتر تعلقات کے لیےکام جاری رکھنےکاعزم کیا۔

یہ بھی پڑھیے

Back to top button