بسم اللہ الرحمن الرحیم

بین الاقوامی

طالبان صوبہ ہرات کے علاقے اسلام قلعہ پر قابض

اسلام قلعہ پر قبضے کی اطلاعات ایسے وقت آئی ہیں جب طالبان کا ایک وفد مذاکرات کے لیے ایران کےدورے پر تھا


طالبان نے افغانستان میں صوبہ ہرات کے سرحدی علاقے اسلام قلعہ پر قبضہ کرلیا ، یہ علاقہ ایرانی سرحد سے جڑا ہوا ہے ۔

میڈیا رپورٹس کے مطابق اس سرحدی علاقے میں افغان فوجی پسپائی اختیار کرتے ہوئے ایران میں پناہ کے لیے داخل ہوگئے۔

اس سے پہلے طالبان نے وسط ایشیائی سرحدی ریاستوں سے جڑے صوبوں میں بھی بعض علاقوں پر قبضہ کرلیا تھا جس کے سبب افغان فوجیوں کو پسپائی اختیار کرکے وسط ایشیائی ممالک میں پناہ لینا پڑی تھی۔

ہرات کے علاقے اسلام قلعہ پر قبضے کی اطلاعات ایسے وقت آئی ہیں جب طالبان کا ایک وفد مذاکرات کے لیے ایران کےدورے پر تھا۔

Back to top button