بسم اللہ الرحمن الرحیم

بین الاقوامی

ایرانی سپریم لیڈر نے ملک میں بنی کورونا ویکسین لگوا لی

سپریم لیڈر نے جنوری میں امریکا اور برطانیہ کی کورونا ویکسین کی درآمد پر پابندی عائد کی تھی جس کی وجہ مغرب پر عدم اعتماد تھا

ایرانی سپریم لیڈر علی خامنہ ای نے ملک میں تیار کردہ کورونا ویکسین لگوالی۔ایران کے سرکاری ٹی وی کے مطابق علی خامنہ ای نے ایران کی تیار کردہ کورونا ویکسین کی پہلی خوراک لی۔

اس موقع پر ایران کے سپریم لیڈر کا کہنا تھا کہ ان کی بیرون ملک میں تیار کردہ کورونا ویکسین لینے میں کوئی دلچسپی نہیں اس لیے بہتر ہےکہ ایران کی اپنی ویکسین کا انتظار کیا جائے کیونکہ ہمیں اپنے قومی وقار پر فخر کرنا ہے۔

میڈیا رپورٹس کے مطابق ایران کے سپریم لیڈر نے جنوری میں امریکا اور برطانیہ کی کورونا ویکسین کی درآمد پر پابندی عائد کی تھی جس کی وجہ مغرب پر عدم اعتماد تھا۔

میڈیا رپورٹس میں بتایا گیا ہےکہ ایرانی فارماسیوٹیکل کمپنی شفا فارمڈ نے کوویران کے نام سے ویکسین تیار کی ہے جس کی گزشتہ برس دسمبر میں سیفٹی اور مؤثر سے متعلق اسٹڈی کی گئی۔

ایران نے گزشتہ ہفتے ملک میں اس ویکسین کی ہنگامی بنیادوں پر اس وقت منظوری دی جب اسے بڑی تعداد میں ویکسین درآمد کرنے میں مشکلات کا سامنا کرنا پڑا۔

ایران میں کورونا سے یومیہ اموات کی تعداد 115 سے تجاوز کرگئی ہے اور اب تک ملک میں83500 سے زائد افراد وائرس سے انتقال کرچکے ہیں۔

یہ بھی پڑھیے

Back to top button