پنجاب میں ماں، بچے اور نوجوانوں کی غذائیت کے اہم مسئلے پر توجہ مرکوز کرنے والا ایک موثر ایونٹ پارک لین ہوٹل میں منعقد ہوا۔ اس ایونٹ کا انعقاد سیو دی چلڈرن انٹرنیشنل (آئی این جی او) نے یونیسف کی حمایت سے کیاگیا، جس میں مختلف حکومتی محکموں، اقوام متحدہ کی ایجنسیوں، میڈیا کے پیشہ ور افراد اور سوشل سیکٹر کی تنظیموں کے نمائندگان نے شرکت کی تاکہ صوبے بھر میں غذائیت کے نتائج کو بہتر بنانے کے لیے تعاون اور جدت کو فروغ دیا جا سکے۔
اس ایونٹ کی میزبانی ڈاکٹر شیزہ حمید، نیشنل نیوٹریشن کوآرڈینیٹر سیو دی چلڈرن انٹرنیشنل نے کی، جنہوں نے پنجاب میں غذائیت کی تشویشناک صورتحال پر روشنی ڈالی۔ ڈاکٹر شیزہ نے اس حوالے سے تفصیلا” اظہار خیال کیا۔ محمد اعظم کیانی، نیشنل پروجیکٹ مینیجر نے پاکستان اور پنجاب میں سیو دی چلڈرن کی سرگرمیوں کا تعارف کرایا اور پروگرام کے اہم مقاصد کے بارے میں آگاہ کیا، جن میں شامل ہیں:میڈیا کے ذریعے کمیونٹیز کو ماں، بچے اور نوجوانوں کی غذائیت کی اہمیت کے بارے میں آگاہی فراہم کرنا، خصوصی طور پر بہترین طریقوں جیسے کہ خصوصی دودھ پلانے، متوازن غذائی عادات اور ماں کی صحت کے کردار کو اجاگر کرنا۔
میڈیا کو برتھ ملک سبسٹیٹیوٹ ایکٹ کے نفاذ کے لیے مہم چلانے اور خاندانوں کے لیے ورک پلیس پالیسیوں کی حمایت کرنے کے لیے متحرک کرنا۔صحافیوں اور میڈیا کے پیشہ ور افراد کو غذائیت کے مسائل پر مؤثر رپورٹنگ، عوامی رائے کو متاثر کرنے اور پالیسی سازوں کو جوابدہ بنانے کے لیے ضروری علم، مہارتیں اور وسائل فراہم کرنا۔ اعظم نے ملک بھر میں چلنے والے پروگرام کا جائزہ بھی پیش کیا۔
اس ایونٹ میں ماں، بچے اور نوجوانوں کی غذائیت کے چیلنجز سے نمٹنے اور صحت کے نتائج کو بہتر بنانے کی فوری ضرورت پر زور دیا گیا۔ میڈیا کے پیشہ ور افراد کو غذائیت کے بارے میں آگاہی بڑھانے اور بہتر غذائیت کے حق میں مہم چلانے میں ان کے اہم کردار کے لیے سراہا گیا۔ پینلسٹس اور اسپیکرز، جن میں ڈاکٹر محمد محسن وٹو (ایڈیشنل ڈائریکٹر، ہیلتھ سروسز)، ڈاکٹر خالد محمود (ڈائریکٹر، ایم آئی ایس)، جناب عتیق الرحمن (پروجیکٹ کوآرڈینیٹر، ایس یو این سیکرٹریٹ)، ڈاکٹر نگہت (سینئر کنسلٹنٹ گائناکالوجسٹ)، اور محترمہ نجمہ (غذائیت کی ماہر، یونیسف) شامل تھے، مقررین نے میڈیا کی اہمیت پر زور دیا کہ وہ سائنسی شواہد کی بنیاد پر پیغامات کو اجاگر کریں۔پینل ڈسکشنز میں متوازن غذا، مائیکرونیوٹرنٹ کی کمی، خصوصی دودھ پلانے، اور قد کی کمی اور ضیاع کے مسائل پر بات چیت کی گئی۔ حکومتی نمائندوں نے ماں اور بچے کی غذائیت کے پروگراموں کے لیے مؤثر پالیسیوں اور وسائل کی فراہمی کے لیے اپنے عزم کا اعادہ کیا۔ مزید یہ کہ عوامی اور نجی شعبوں کے تعاون سے کامیاب کہانیاں شیئر کی گئیں، جنہوں نے پنجاب بھر میں اختراعی حلوں کے وسیع تر نفاذ کے لیے تحریک فراہم کی۔
میڈیا کے اثر و رسوخ کو تسلیم کرتے ہوئے، ایونٹ کا مقصد میڈیا کے پیشہ ور افراد کو ماں، بچے اور نوجوانوں کی غذائیت کے حق میں مہم چلانے والے سفیروں کے طور پر شامل کرنا تھا۔ حساسیت پروگراموں، ہدفی مکالموں اور کمیونٹی آؤٹریچ کے ذریعے صحافیوں اور میڈیا ہاؤسز کو تعلیم دی جا رہی ہے تاکہ وہ عوام کو خصوصی دودھ پلانے، متوازن غذا اور غذائیت کی کمی کے خطرات کے بارے میں آگاہ کریں۔ کامیاب کہانیاں اجاگر کرنے، غلط فہمیوں کا مقابلہ کرنے اور اسٹیک ہولڈرز کو جوابدہ بنانے کے ذریعے میڈیا ایک ثقافتی تبدیلی میں معاون ثابت ہو سکتا ہے، تعاون کو فروغ دے سکتا ہے اور مضبوط پالیسیوں اور پروگراموں کے لیے حمایت حاصل کر سکتا ہے۔
ایونٹ کے اختتام پر محمد اعظم، نیشنل پروجیکٹ مینیجر، سیو دی چلڈرن انٹرنیشنل نے تمام شرکاء کے عزم کا شکریہ ادا کیا اور کہا کہ مختلف شعبوں کے اشتراکی اقدامات پنجاب میں صحت مند خاندانوں، مضبوط کمیونٹیز اور زیادہ پیداواری صوبے کی تشکیل میں مددگار ثابت ہوں گے۔
