مودی حکومت اسمبلی انتخابات کے ذریعے جموں کشمیر کی صورتحال کے بارے میں دنیا کو گمراہ کرنا چاہتی ہے۔ ترجمان اسلامی تنظیم آزادی جموں کشمیر

کل جماعتی حریت کانفرنس کے سینئر رہنما اور اسلامی تنظیم آزادی جموں کشمیر کے چیئرمین جناب پیر عبدالصمدانقلابی نے کہا ہے کہ بھارتی حکومت انتخابات کے ذریعے جموں کشمیر میں حالات معمول پر ہونے کے اپنے بے بنیاد دعوﺅں کو تقویت دینا چاہتی ہے۔

چیئرمین کہا ہے کہ بھارت نے طاقت کے بل پر جموں کشمیر پر قبضہ جما رکھا ہے اور اس نے علاقے میں دس لاکھ سے زائد فورسز اہلکار تعینات کر انہیں نہتے لوگوں پر ہر طرح کا ظلم وستم اور جبر روا رکھنے کی کھلی چھٹی دے رکھی ہے۔ چیئرمین نے کہا ہے کہ جموں کشمیر اس وقت دنیا کا سب سے زیادہ فوجی تعیناتی والا علاقہ اور خطہ بن چکا ہے۔

چیئرمین نے ہندوتوا غنڈوں کی طرف سے ہندوستان میں مسجد، قرآن پاک اور درگاہوں اور خانقاہوں کے تقدس کی پامالی کی کوشش پر شدید تشویش کا اظہار کرتے ہوئے کہا ہے کہ اس طرح کی کارروائیاں ہندوستان اور جموں کشمیر کے لوگوں کے لیے ناقابل قبول ہیں اور وہ انکا بھر پور عزم کے ساتھ مزاحمت کریں گے۔

کل جماعتی حریت کانفرنس کے سینئر رہنما اور اسلامی تنظیم آزادی جموں کے چیئرمین جناب پیر عبدالصمدانقلابی نے ہندوستان نواز لوگوں کے اس پروپیگنڈے کو مسترد کر دیا جس میں انہوں نے دعویٰ کیا ہے کہ جموں کشمیر میں حریت پسند لوگوں کا نظریہ دم توڑ چکا ہے۔

چیئرمین نے کہا ہے کہ ہندوستان نواز لوگ بھارتی ایجنسیوں کے ہاتھوں میں کھیل رہے ہیں ،انکا بیان انتہائی مضحکہ خیز اور جموں کشمیر کے لوگوں کے جذبات اور امنگوں کے منافی ہے۔

چیئرمین نے کہا ہے کہ ہندو توا جماعتوں آر ایس ایس بی جے پی کا جموں کشمیر کے لوگوں اور مسلم دشمن ایجنڈا سب کو معلوم ہے جسے وہ مقامی کٹھ پتلیوں کے ذریعے منصوبہ بند طریقے سے انجام دینے کی کوشش کر رہی ہیں۔

چیئرمین نے کہا ہے کہ جموں کشمیر کے لوگوں نے اس طرح کے کٹھ پتلیوں کو مسترد کر چکے ہیں اور وہ اپنے عظیم شہداء جموں کشمیر کے لوگوں کے مقدس مشن کو پایہء تکمیل تک پہنچانے کیلئے پر عزم ہیں۔

چیئرمین نے کہا ہے کہ بھارت بے انتہا ظلم وتشدد اور قتل وغارت کے باوجود جموں کشمیر کے لوگوں کے جذبہ آزادی برائے اسلام کو دبانے میں ناکام رہا ہے، اسلامی تحریک آزادی جموں جموں کیساتھ انکی وابستگی انتہائی گہری اور مضبوط ہے، پاکستان میں شامل ہونا جموں کشمیر کے لوگوں کا ایک دیرینہ خواب ہے جو ایک دن ضرور پورا ہوگا۔

اشتہار