ناورو کی جانب سے ایک چین کے اصول کو تسلیم کرنےپر مقامی افرادکا جشن
بحر الکاہل میں جزیرے پرمشتمل ، ناورو، اپنے خوبصورت استوائی مناظر اور منفرد رسم و رواج کے ساتھ دنیا بھرکے سیاحوں کے لیے ایک پرکشش ملک ہے۔
اس خوبصورت ملک نے اعلان کیا ہے کہ وہ ایک چین کے اصول کو تسلیم اور تائیوان کے حکام کے ساتھ “سفارتی تعلقات” منقطع کرے گا۔ شِنہوا نے اسی روز ایک مقامی رپورٹر کی خدمات حاصل کرتے ہوئے ناورو میں رپورٹنگ آفس قائم کیا۔
آسٹریلیا کے شہر برسبین سے پانچ گھنٹے کی پرواز کے بعد شِنہوا کا نامہ نگار ناورو ہوائی اڈے پر پہنچا، ناورو کی حکومت کی جانب سے عوامی جمہوریہ چین کے ساتھ سفارتی تعلقات دوبارہ شروع کرنے کے اعلان کے بعد وہ بحرالکاہل کے جزیرے والے ملک میں داخل ہونے والا پہلا چینی رپورٹرہے۔
ناورو کی دھوپ اور لوگوں سے یہاں آنے والے سیاح انتہائی متاثر ہیں۔ جزیرے پر مشتمل یہ ملک خط استوا سے تقریباً 42 کلومیٹر جنوب میں واقع ہے جہاں کی آب و ہوا استوائی بارشی جنگل سے لطف اندوز ہوتی ہے۔
حکومت کے فیصلے پر خوشی کا اظہار کرتے ہوئے یہاں کے ایک باشندے جس نے اپنی شناخت صرف سرابی کے طور پر کرائی،نے ہوائی اڈے پر شِنہوا کو بتایا کہ ناورو میں لوگ مزید چینی سیاحوں کا خیرمقدم کرنے کے خواہاں اور امید کرتے ہیں کہ ناورواور چین اچھے شراکت دار بنیں گے۔
چھوٹے جزیرے پر پارلیمنٹ کی عمارت، عجائب گھر اور جنگ عظیم دوم کی یادگار بحرالکاہل کے جزائر پر مشتمل ممالک کی تاریخی اور ثقافتی خصوصیات کو نمایاں کرتی ہیں۔
چینی کمپنیاں کئی سالوں سے ناورو میں مقامی انفراسٹرکچر کو بہتر بنانے میں مدد کر رہی ہیں۔ چائنہ ہاربر انجینئرنگ کمپنی نے ایوو پورٹ کو دوبارہ تیار کرنے کا منصوبہ شروع کیا ہے، جس میں دیگر سہولیات کے علاوہ ایک نئی گودی اور ایک پشتہ بھی شامل ہے۔
