اسلام آباد میں سکیورٹی ہائی الرٹ، عدالتوں کے باہر مظاہروں پر پابندی

اسلام آباد میں سکیورٹی ہائی الرٹ کردی گئی اور عدالتوں کے باہر مظاہروں پر پابندی عائد کردی گئی ۔ترجمان اسلام آباد کیپیٹل پولیس کے مطابق وفاقی دارالحکومت میں دفعہ 144 نافذ ہے اور  دہشتگردی سمیت دیگر خطرات کے پیش نظر سکیورٹی ہائی الرٹ کرنے کے احکامات جاری کیے گئے ہیں۔

ترجمان نے کہا کہ عدالتی احاطےمیں صرف وکلا،صحافی اورمتعلقہ افراد کوداخلےکی اجازت ہوگی۔واضح رہے کہ جوڈیشل کمپلیکس اسلام آباد میں توڑ پھوڑ اور ہنگامہ آرائی کے الزام میں چیئرمین پاکستان تحریک انصاف (پی ٹی آئی) عمران خان سمیت پی ٹی آئی کے 21 رہنماؤں کے خلاف تھانہ رمنا میں مقدمہ درج کیا گیا تھا۔