قومی
دہشتگردوں کا سکیورٹی کی پیٹرولنگ پارٹی پر حملہ، سپاہی شہید
بلوچستان کے قصبے پنجگور میں دہشتگردوں نے سکیورٹی فورسز کی پیٹرولنگ پارٹی پر حملہ کردیا جس کے نتیجے میں ایک سپاہی شہید ہوگیا۔
انٹرسروسز پبلک ریلیشنز (آئی ایس پی آر) کی جانب سے جاری بیان کے مطابق پنجگور میں دہشتگردوں نے سکیورٹی فورسز کی پٹرولنگ پارٹی پر حملہ کیا، فائرنگ کے تبادلے میں سپاہی جلیل خان شہید ہوگیا۔
آئی ایس پی آر کے مطابق شہید سپاہی جلیل خان کا تعلق ڈیرہ اسماعیل خان سے تھا، سکیورٹی فورسز دشمن عناصر کی کارروائیوں کو شکست دینےکیلئے پرُعزم ہیں۔
آئی ایس پی آر کا کہنا ہے کہ دہشتگردوں کی بزدلانہ کارروائیوں کا مقصد بلوچستان کے امن ، استحکام اور ترقی کو متاثر کرنا ہے۔دہشتگردوں کا سکیورٹی کی پیٹرولنگ پارٹی پر حملہ، سپاہی شہید
