پاکستان اور ترکیہ کا دیرینہ دوستانہ تعلقات مزید مستحکم کرنے کے عزم کا اعادہ

پاکستان اور ترکیہ نے دوستی اور بھائی چارے پر مبنی دیرینہ تعلقات کو مزید مستحکم کرنے کے عزم کا اعادہ کیا ہے۔

اس عزم کا اظہار آج استنبول میں نائب وزیراعظم اسحاق ڈار اور ترکیہ کے وزیر خارجہ ہاکان فیدان کے درمیان ملاقات کے دوران کیا گیا۔

ملاقات کے دوران دونوں رہنماؤں نے دو طرفہ تعلقات کا جائزہ لیا اور خطے کی تازہ ترین صورتحال، بالخصوص مشرقِ وسطیٰ اور فلسطین کے حالات پر تبادلہ خیال کیا۔

انہوں نے علاقائی استحکام کو درپیش خطرات پر تشویش کا اظہار کیا اور علاقائی امن و سلامتی کے فروغ کے لیے بات چیت، سفارت کاری اور مربوط کوششوں کی ضرورت پر زور دیا۔

فریقین نے سعودی عرب پر حوثی حملوں کی بھی شدید مذمت کی اور پاکستان، ترکیہ اور سعودی عرب کے درمیان مکہ دفاعی معاہدے کے تحت تعاون سمیت علاقائی امور پر قریبی روابط کے قیام کے عزم کا اعادہ کیا۔