قومی
پاکستان اور بنگلہ دیش کا دوطرفہ تعلقات کو مزید مستحکم کرنے پر اتفاق
پاکستان اور بنگلہ دیش نے مشترکہ خوشحالی کے لیے دوطرفہ تعلقات کو مضبوط بنانے اور علاقائی تعاون کو آگے بڑھانے پر مل کر کام کرنے پر اتفاق کیا ہے۔
یہ مفاہمت جدہ میں او آئی سی وزرائے خارجہ کونسل کے 21ویں غیر معمولی اجلاس کے موقع پر نائب وزیراعظم اور وزیر خارجہ اسحاق ڈار اور بنگلہ دیش کے مشیر برائے خارجہ امور توحید حسین کے درمیان ملاقات کے دوران طے پائی۔
ملاقات کے بعد ایکس پر ایک پیغام میں اسحاق ڈار نے کہا کہ انہوں نے پاک بنگلہ دیش تعلقات میں نئی رفتار کی تصدیق کی اور مختلف شعبوں میں ہمارے تعاون کے ثمرات دیکھنے کے منتظر ہیں۔
انہوں نے کہا کہ انہوں نے فلسطین کے منصفانہ کاز کے ساتھ مضبوط یکجہتی کا اظہار کرتے ہوئے دو ریاستی حل کے ذریعے بلا روک ٹوک انسانی رسائی، مستقل جنگ بندی اور دیرپا امن کی فوری ضرورت پر زور دیا۔
اشتہار 
