بسم اللہ الرحمن الرحیم

قومی

پاک ترک ملٹری ڈائیلاگ گروپ کا اجلاس راولپنڈی میں کامیابی کے ساتھ اختتام پذیر

پاک ترک اعلیٰ سطحی ملٹری ڈائیلاگ گروپ اجلاس کا 18واں دور راولپنڈی میں کامیابی کے ساتھ اختتام پذیر ہوگیا۔

پاکستان کے وفد کی قیادت سیکرٹری دفاع حمود الزمان خان نے کی جبکہ ترک وفد کی سربراہی ڈپٹی چیف آف ترک جنرل سٹاف جنرل عرفان اوزر نے کی۔

ملاقات کے دوران دوطرفہ دفاعی تعاون کے تمام شعبوں سمیت باہمی دلچسپی کے امور پر تبادلہ خیال کیا گیا۔ دونوں رہنماؤں نے دفاعی تعاون کی رفتار پر اطمینان کا اظہار کیا اور اسے نئی بلندیوں تک لے جانے کا عہد کیا۔

سلامتی، انسداد دہشت گردی اور موجودہ علاقائی اور جغرافیائی سیاسی ماحول جیسے امور بھی زیر بحث آئے۔

اس بات پر اتفاق کیا گیا کہ پاکستان-ترکی HLMDG میٹنگ کا 19 واں دور 2025 میں باہمی طور پر طے شدہ تاریخوں پر ترکی میں منعقد ہوگا۔

Back to top button