قومی
عمران خان کے خلاف دائر توہین عدالت کی درخواست مسترد
عدالت عظمیٰ نے وفاقی حکومت کی جانب سپریم کورٹ کے احکامات کی خلاف ورزی کرنے پر سابق وزیراعظم عمران خان کے خلاف دائر توہین عدالت کی درخواست مسترد کردی۔
حکومت کی جانب سے اٹارنی جنرل اشتر اوصاف نے مذکورہ درخواست دائر کی جس پر عدالت عظمیٰ کے 5 رکنی لارجر بینچ نے سماعت کی۔
چیف جسٹس پاکستان عمر عطا بندیال کی سربراہی میں بینچ جسٹس یحیٰی آفریدی، جسٹس مظاہر نقوی، جسٹس منیب اختر اور جسٹس اعجاز الاحسن پر مشتمل تھا۔
فیصلے کی وجوہات بعد میں جاری کیے جانے والے تفصیلی فیصلے میں بتائی جائیں گی۔
