3سال میں لاہور کیلئے 8واں ڈی آئی جی آپریشنز

پنجاب میں ایک بار پھر متعدد اعلیٰ پولیس افسروں کے تبادلے کر دیئے گئے۔

نوٹیفکیشن کے مطابق ڈاکٹر عابد خان کو ڈی آئی جی آپریشنز لاہور تعینات کر دیا گیا، وہ پی ٹی آئی کے پچھلے 5 ماہ میں چوتھے اور 3سال میں8 ویں ڈی آئی جی آپریشنز لاہور ہیں۔

 ان سے پہلے ساجد کیانی ، سہیل چوہدری اور احسن یونس ڈی آئی جی آپریشنز لاہور رہ چکے ہیں۔

اس کے علاوہ ذوالفقار حمیدکو ایڈیشنل آئی جی ٹریننگ ،غلام مبشر میکن کو سی پی او فیصل آباد اور ایس ایس پی اشفاق عالم کو ترقی دےکرسینٹرل پولیس آفس میں ڈی آئی جی انٹرنل اکاؤٹبیلٹی لگا دیا گیا ہے ۔