بسم اللہ الرحمن الرحیم

بین الاقوامی

بھارت میں خالصتان تحریک، علیحدہ وطن کا نقشہ جاری، سکھ رہنماوں کا بڑا اعلان


خالصتان ریفرنڈم کے حوالے سے سکھ رہنماوں نے31 اکتوبر سے ووٹنگ کے آغاز کا اعلان کردیا۔

ایک میڈیا رپورٹ کے مطابق خالصتان ریفرنڈم کا افتتاح برطانوی پارلیمنٹ کے سامنے کوئن ایلزبیتھ سینٹر میں ہوگا، 31 اکتوبر سے ووٹنگ کی شروعات کی جائے گی، سکھ رہنماوں نے علیحدہ وطن کا نقشہ جاری کر دیا ہے۔

سکھ رہنما پرم جیت سنگھ پما کا کہنا ہے کہ ریفرنڈم ہمارا جمہوری حق ہے، سکھ قوم اپنی آزادی کا پہلا ووٹ 31 اکتوبر کو کاسٹ کرے گی۔اس دوران صدرسکھ فارجسٹس سردار اوتارسنگھ نے کہا بھارت نے پنجاب پر قبضہ کر رکھا ہے، برطانیہ کے 175 گردوارے ہمارے ساتھ ہیں۔

صدر کونسل آف خالصتان ڈاکٹر بخشی سنگھ کا کہنا تھا کہ 31اکتوبر سکھوں کا تاریخی دن ہوگا، ریفرنڈم کی نگرانی غیر جانبد ارادارے کر رہے ہیں۔ایک اور رہنما گور پریت سنگھ نے بتایا کہ سکھوں کو حق مانگنے پر گولیاں ماری گئیں، ساری دنیا کی نگاہیں سکھ قوم کے ریفرنڈم پر ہیں، پرامن جمہوری طریقے سے اپنا وطن آزاد کرائیں گے۔سردار پنوں سنگھ کا کہنا تھا کہ ہریانہ اور ہماچل پردیش بھی خالصتان کا حصہ ہوں گے، راجستھان اور اترپردیش کے سکھ علاقے بھی خالصتان کا حصہ بنائیں گے۔

یہ بھی پڑھیے

Back to top button