مشکوک ٹرانزیکشن کیس،آصف زرداری کی بریت کی درخواست پر فیصلہ محفوظ
سابق صدر آصف علی زرداری نے 8 ارب روپےکی مشکوک ٹرانزیکشن کیس میں بریت کی درخواست دائر کردی، عدالت نے درخواست پر فیصلہ محفوظ کرلیا، جسے کچھ دیر بعد سنایا جائے گا۔
احتساب عدالت کے جج سید اصغر علی سابق صدر کے خلاف 8 ارب روپےکی مشکوک ٹرانزیکشن کیس کی سماعت کر رہے ہیں۔
سابق صدر آصف زرداری اور ان کے وکیل فاروق ایچ نائیک احتساب عدالت میں موجود ہیں۔
آصف زرداری نے احتساب عدالت میں پیش ہوکر فرد جرم عائد کرنے کے بجائے بریت کی درخواست دی ہے۔
زرداری کے وکیل فاروق ایچ نائیک نے درخواست میں موقف اپنایا ہے کہ فرد جرم عائد نہیں ہوسکتی، نیب ترمیمی آرڈیننس کے بعد کیس نہیں بنتا۔
وکیل فاروق نائیک کی دائر درخواست کے متن میں کہا گیا ہے کہ کیس میں قومی خزانےکو نقصان پہنچانے کا کوئی الزام نہیں، اس کیس میں فرد جرم عائد نہیں ہو سکتی بری کیا جائے ،
درخواست پر نیب کو نوٹس جاری کر کے جواب طلب کریں۔
جج اصغر علی نے ریمارکس دیئے کہ پہلے آپ اس درخواست کے قابل سماعت ہونے پر تو مطمئن کریں، وکیل فاروق نائیک نے کہاکہ یہ کیس کرپشن اور کرپٹ پریکٹس میں آتا ہی نہیں ہے۔
اس موقع پر جج اصغر علی نے کہا کہ درخواست قابل سماعت ہونے پر آپ کے دلائل سن لئے ہیں،کچھ دیرمیں فیصلہ کر دیں گے۔
واضح رہے کہ اسلام آباد کی احتساب عدالت کے جج نے گزشتہ سماعت پر ریمارکس دیئے تھے کہ آصف زرداری پیش نہ ہوئے تو وارنٹ جاری کریں گے۔
واضح رہے کہ اسلام آباد کی احتساب عدالت کے جج نے 8 ارب روپےکی مشکوک ٹرانزیکشن کیس کی گزشتہ سماعت پر ریمارکس دیئے تھے کہ آصف زرداری پیش نہ ہوئے تو وارنٹ جاری کریں گے۔
