پاکستان فٹیف کے حوالے سے بتائے گئے اقدامات پر عمل کرے، یورپی یونین

یورپی یونین نے کہا ہے کہ منی لانڈرنگ کے خلاف لڑائی ان کی سب سے بڑی ترجیح ہے۔ اسی لیے ہم پاکستان سمیت تمام ممالک کی حوصلہ افزائی کرتے ہیں کہ وہ FATF کے اس حوالے سے بتائے گئے اقدامات پر عمل کریں۔

یورپی یونین کی جانب سے یہ بیان اس کے ترجمان سے پوچھے گئے ایک سوال کے بعد سامنے آیا جس میں ان سے پوچھا گیا تھا کہ 27 میں سے 26 نکات پر عمل درآمد کے باوجود پاکستان کو گرے لسٹ میں کیوں رکھا گیا ہے؟

جس پر یورپین کمیشن کے FATF کیلئے ترجمان ڈین فیری نے کہا کہ دہشت گردی کی مالی اعانت اور منی لانڈرنگ کی روک تھام یورپی یونین کی اولین ترجیح ہے۔ اس لیے اس حوالے سے آپ نے دیکھا ہوگا کہ ہم نے گذشتہ سالوں میں بہت سے جو اقدامات اٹھائے ہیں، وہ نہ صرف یورپی یونین بلکہ دنیا کیلئے اہم ہیں۔

ہم اس حوالے اپنے انٹرنیشنل پارٹنرز کے ساتھ ملکر فیٹف کے فریم ورک کے اندر رہتے ہوئے کام کررہے ہیں۔

ترجمان نے کہا کہ وہ فیٹیف کے اقدامات پر تبصرہ نہیں کریں گے لیکن وہ یہ کہنا چاہیں گے دہشت گردی کی مالی اعانت اور منی لانڈرنگ کے خلاف لڑائی یورپی یونین کی سب سے بڑی ترجیح ہے۔