Tag: موسلادھار

بحیرہ عرب میں موجود سمندری طوفان بائپر جوائے 24 گھنٹوں میں انتہائی شدت اختیار کرلے گا، طوفان کے پیش نظر کراچی پورٹ پر الرٹ جاری کردیا گیا ہے۔محکمہ موسمیات کا کہنا ہے کہ سمندری طوفان کراچی کے جنوب سے 840 کلومیٹر، ٹھٹہ کے جنوب سے 830 کلومیٹر اور اورماڑہ کے جنوب مشرق سے 930 کلومیٹر دور ہے۔

محکمہ موسمیات کے مطابق طوفان کے مرکز اور اطراف میں 140 کلومیٹر کی ہوائیں چل رہی ہیں، سازگار ماحول سسٹم کو مزید شدت اختیار کرنے میں مدد دے رہا ہے۔محکمہ موسمیات کے مطابق طوفان کے باعث بحیرہ عرب میں شدید طغیانی کی کیفیت رہے گی اور لہریں 8 سے 10 فٹ بلند ہوسکتی ہیں، جس کے باعث آج سے ماہی گیروں کو کھلے سمندر میں نہ جانے کی ہدایت کی گئی ہے۔

طوفان کی ممکنہ سمت کے باعث کراچی، ٹھٹہ، سجاول، بدین، تھرپارکر اور میرپورخاص میں 13 جون کو موسلادھار بارش متوقع ہے جبکہ ممکنہ طور پر ساحلی علاقے تیز آندھی، طوفان اور سیلاب کی زد میں آسکتے ہیں۔

محکمہ موسمیات کے مطابق ملک کے بالائی اور وسطی علاقوں میں بارشوں کا امکان ہے، پیر سے بالائی اور وسطی علاقوں میں موسلا دھار بارشوں کا سلسلہ داخل ہوگا۔

محکمہ موسمیات کی ایڈوائزری میں بتایا گیا ہے کہ سسٹم کے تحت کراچی میں 21 سے 22 جون کے درمیان تیز ہواؤں، آندھی اور گرج چمک کے ساتھ بارش کا امکان ہے۔

سکھر، لاڑکانہ، کشمور، شکارپور، جیکب آباد، شہید بینظیرآباد، دادو، جامشورو اور حیدرآباد میں بھی بارش ہوگی۔

پیر سے 22 جون کے درمیان اسلام آباد، خیبرپختونخوا، پنجاب اور کشمیر میں موسلا دھار بارش کا امکان ہے۔

محکمہ موسمیات نے کہا ہے کہ موسلا دھار بارشوں سے خیبرپختونخوا، گلیات، کشمیر اور گلگت بلتستان میں لینڈ سلائیڈنگ کا خدشہ ہے۔

اسی طرح خیبرپختونخوا، پنجاب، گلگت بلتستان اور شمالی بلوچستان کی ندی نالوں میں طغیانی بھی آسکتی ہے۔

پشاور، اسلام آباد، راولپنڈی اور دیگر شہروں میں نشیبی علاقے زیر آب آنے کا بھی خدشہ ہے۔

آندھی اور تیز ہواؤں سے کے پی، پنجاب، کشمیر اور گلگت بلتستان میں کمزور انفراسٹرکچر کو نقصان پہنچ سکتا ہے۔

ایڈوائزری میں مزید کہا گیا ہے کہ مسافر اور سیاح اس موسم میں زیادہ محتاط رہیں اور غیر ضروری سفر سے گریز کریں۔

کوئٹہ اور چمن سمیت بلوچستان کے کئی اضلاع میں شدید برفباری جاری ہے جس کے باعث مختلف مقامات پرقومی شاہراہ کو ٹریفک کےلیےبند کردیا گیا۔

شدید برف باری کے  پیشِ نظر  پی ڈی ایم اے اور این ایچ اے کا عملہ مشینری کی مدد سے برف ہٹانےمیں مصروف ہے ۔

دوسری جانب پشاورمیں موسلادھار بارش سے  سڑکوں پرپانی جمع ہوگیا  جبکہ  شانگلہ کے علاقہ الپوری فیض آباد میں لینڈ سلائیڈنگ سے 2افرادجاں بحق  ہوگئے ۔

اس کے علاوہ ملتان، رحیم یارخان اور لودھراں سمیت جنوبی پنجاب میں بارش کی وجہ سے درجنوں فیڈرٹرپ ہونے سے بجلی کی فراہمی معطل ہوگئی۔

گوادر  سمیت بلوچستان کے مختلف شہروں میں رات سے موسلا دھار بارش کا سلسلہ جاری  ہے جس سے نشیبی علاقے  زیر آب آگئے ہیں۔

محکمہ موسمیات کے مطابق گوادر میں اب تک 57.2 ملی میٹر بارش ریکارڈ کی جا چکی ہے جبکہ طوفانی بارش سے مواصلاتی نظام بری طرح متاثر ہوا ہے۔

محکمہ موسمیات کا بتانا ہے کہ ضلع گوادر سمیت مختلف علاقوں میں بارش برسانے والا سسٹم تاحال موجود ہے جس کے باعث مزید بارش کا بھی امکان ہے۔

محکمہ موسمیات کے مطابق 24گھنٹوں کے دوران سب سے زیادہ بارش پسنی میں 70  ملی میٹر ریکارڈ کی گئی، گوادر میں 57 ملی میٹر، اورماڑہ میں 27 ملی میٹر،کیچ اور جیوانی میں 24 ملی میٹر بارش ہوئی جبکہ کوئٹہ میں 8 ، قلات میں 4، خضدار، دالبندین اور پنجگور میں 3ملی میٹر  بارش ریکارڈ ہوئی۔

اسلام آباد کے سیکٹر ای الیون میں کئی عمارتوں کے تہہ خانوں میں اب بھی پانی موجود

اسلام آباد میں گزشتہ روز موسلا دھار بارش سے بڑے پیمانے پر تباہی ہوئی جس کے بعد انتظامیہ نے ای الیون نالے کےگرد عارضی مٹی کے بند لگا دیے ہیں۔

تاہم سیکٹر ای الیون کی کئی عمارتوں کے تہہ خانوں میں اب بھی پانی موجود ہے۔