قازقستان کے سفیر یرژان کستافین نے پاکستان میں اپنی مدتِ سفارت مکمل ہونے پر اسلام آباد میں وزیراعظم محمد شہباز شریف سے الوداعی ملاقات کی۔
وزیراعظم نے اپنے دورِ سفارت کے دوران پاکستان اور قازقستان کے درمیان تاریخی دوستی اور تعاون کے روابط کو مزید مضبوط بنانے میں قازق سفیر کے قابلِ قدر کردار کو سراہا۔
وزیراعظم نے بالخصوص فروری 2026 میں قازقستان کے صدر قاسم ژومارت توکایف کے دورۂ پاکستان میں سفیر کے کردار کا اعتراف کیا، جس کے نتیجے میں دونوں ممالک کے باہمی تعلقات کو اسٹریٹجک شراکت داری کی سطح تک بڑھایا گیا۔
وزیراعظم محمد شہباز شریف نے صدر قاسم ژومارت توکایف کے لیے نیک خواہشات کا پیغام دیا اور قازقستان کے ساتھ کثیرالجہتی شراکت داری کو مزید مضبوط بنانے کے پاکستان کے عزم کا اعادہ کیا۔
قازق سفیر نے اپنے دورِ سفارت کے دوران وزیراعظم کی جانب سے تعاون اور معاونت پر ان کا شکریہ ادا کیا اور اس اعتماد کا اظہار کیا کہ اسٹریٹجک شراکت داری کے فریم ورک کے تحت پاکستان اور قازقستان کے تعلقات میں مزید پیش رفت جاری رہے گی۔
وزیراعظم نے قازق سفیر کے لیے ان کی آئندہ ذمہ داریوں میں کامیابی کی بھی دعا کی۔
-
-
-
-
-
-
