بھارت کے غیر قانونی زیرِ قبضہ جموں و کشمیر میں بھارتی حکومت اور اس کی کٹھ پتلی انتظامیہ نئی دہلی کے غیر قانونی قبضے کو برقرار رکھنے اور کشمیریوں کے اقوامِ متحدہ کی جانب سے تسلیم شدہ حقِ خودارادیت کو دبانے کے لیے جسمانی، ذہنی اور نفسیاتی تشدد کو بطور ہتھیار استعمال کر رہی ہے۔
کشمیر میڈیا سروس (KMS) کے شعبۂ تحقیق کی جانب سے تشدد کے متاثرین سے اظہارِ یکجہتی کے عالمی دن کے موقع پر جاری کی گئی رپورٹ کے مطابق جنوری 1989 سے اب تک بھارتی افواج 96 ہزار 498 کشمیریوں کو شہید کر چکی ہیں، جن میں 7 ہزار 419 افراد حراست کے دوران یا جعلی مقابلوں میں شہید کیے گئے۔
رپورٹ کے مطابق سال 2000 سے اب تک 97 ہزار 44 سے زائد کشمیری گولیوں، پیلٹ گنز اور آنسو گیس کے استعمال سے زخمی ہو چکے ہیں۔
رپورٹ میں کہا گیا ہے کہ ممتاز حریت رہنما اشرف صحرائی، الطاف شاہ، سید علی گیلانی اور مقبول بٹ یا تو دورانِ حراست انتقال کر گئے یا انہیں پھانسی دی گئی۔
رپورٹ کے مطابق 5 اگست 2019 کو بھارتی آئین کے آرٹیکل 370 اور 35A کی منسوخی کے بعد کم از کم 29 ہزار 490 کشمیریوں کو گرفتار کرکے تشدد کا نشانہ بنایا گیا، جبکہ بھارتیہ جنتا پارٹی (بی جے پی) کی حکومت نے مقبوضہ علاقے میں اپنی کریک ڈاؤن مہم مزید تیز کر دی ہے۔
-
-
-
-
-
-
