اسلام آباد سمیت ملک کے مختلف حصوں میں زلزلے کے جھٹکے ، شدت 5.6 ریکارڈ

اسلام آباد، راولپنڈی، پشاور، سوات اور چترال سمیت ملک کے مختلف حصوں میں 5.6شدت کا زلزلے کے جھٹکے  محسوس کئے گئے، زلزلے سے کسی قسم کے جانی ومالی نقصان کی اطلاعات موصول نہیں ہوئی ہیں۔

محکمہ موسمیات کے مطابق ہندوکش ریجن، افغانستان میں زلزلہ، شدت 5.6 ریکارڈ کیاگیا۔

زلزلے کے جھٹکے اسلام آباد، راولپنڈی، پشاور، سوات اور چترال میں محسوس کئے گئے ۔زلزلہ شام 5 بج کر 15 منٹ پر آیا، گہرائی 120 کلومیٹر ریکارڈ  کی گئی ۔زلزلے کا مرکز ہندوکش ریجن، افغانستان بتایا گیا۔

زلزلے کی شدت درمیانی نوعیت کی تھی۔تاحال کسی جانی یا مالی نقصان کی اطلاع نہیں ملی۔

اشتہار