اسرائیلی بمباری سے مزید 50 نہتے فلسطینی شہید
اسرائیلی فورسز کی جانب سے ہفتہ (30 اگست) کی صبح سے غزہ شہر میں شدید بمباری کا سلسلہ جاری ہے۔رپورٹ کے مطابق قابض اسرائیلی فورسز کے غزہ میں حملوں میں تیزی آرہی ہے، اسرائیلی افواج نے آج دن بھر کم از کم مزید 50 افرادکو شہیدکر دیا ہے۔غزہ کے مقامی ہسپتالوں سے ذرائع نے بتایا کہ شہدا میں سے 10 افراد وہ ہیں جنہیں مختلف جگہوں پر خوراک کی تلاش کے دوران نشانہ بنایا گیا۔
مقامی ذرائع کے مطابق اسرائیلی فضائیہ نے غزہ شہر کے مغربی علاقے نصر محلہ میں ایک بیکری پر بھی حملہ کیا، جس میں 11 افراد شہید ہوئے۔سول ڈیفنس نے بتایا کہ فضائی حملہ، بیکری، اس کے قریب موجود ایک خیمے اور شہریوں کے ایک گروپ پر کیا گیا، جن میں بچے بھی شامل تھے۔اقوام متحدہ کی فلسطینی پناہ گزینوں کی ایجنسی نے خبردار کیا ہے کہ غزہ شہر میں اسرائیلی فوجی آپریشن سے مزید 10 لاکھ افراد دوبارہ بے گھر ہو سکتے ہیں۔واضح رہے کہ اسرائیل کی جنگ میں اب تک کم از کم 63 ہزار 371 فلسطینی شہید اور ایک لاکھ 59 ہزار 835 زخمی ہو چکے ہیں۔
