اسرائیل ایران کیخلاف فوری طور پر خطرناک فوجی اقدامات بند کرے، چین

چین کے اقوام متحدہ میں سفیر فو کانگ نے کہا ہے کہ چین ایران کی خودمختاری، سلامتی اور علاقائی سالمیت کی اسرائیل کی جانب سے خلاف ورزیوں کی مذمت کرتا ہے اور اسرائیل پر زور دیتا ہے کہ وہ فوری طور پر تمام خطرناک فوجی اقدامات بند کرے۔

 فو کانگ نے اقوام متحدہ کی سلامتی کونسل کے جمعہ کے روز مشرق وسطیٰ کی صورت حال پر بلائے گئے اجلاس میں کہا کہ چین تضادات کو ہوا دینے اور تنازعات کو وسعت دینے کی مخالفت کرتا ہے، اور اسرائیل کے اقدامات کے ممکنہ نتائج پر گہری تشویش رکھتا ہے۔فو کانگ نے مزید کہا کہ چین موجودہ حالات کے ایرانی جوہری معاملے پر سفارتی مذاکرات پر منفی اثرات پر سنجیدہ تشویش رکھتا ہے۔

اشتہار