قطر میں مقیم بھارتی آئی ٹی انجینئر ڈیٹا چوری اور جاسوسی کے الزام میں گرفتار
قطری حکومت نے قطر میں مقیم بھارتی آئی ٹی انجینئرامت گپتا کو ڈیٹا چوری اور جاسوسی کے الزام میں گرفتار کیا ہے۔
تفصیلات کے مطابق “قطری حکومت نے قطر میں مقیم بھارتی آئی ٹی انجینئرامت گپتا کو ڈیٹا چوری اور جاسوسی کے الزام میں گرفتار کیا گیا ہے”۔ حالیہ جاری رپورٹ کے مطابق گپتا کو قطر کی ریاستی سیکیورٹی نے تین ماہ سے حراست میں رکھا ہوا ہے اوربھارتی آئی ٹی انجینئر پر ڈیٹا چوری اور دوسری ریاستوں کے لیے جاسوسی کے سنگین الزامات ہیں۔
رپورٹ کے مطابق امت گپتا ٹیک مہندرا نامی آئی ٹی فرم میں سینئر عہدیدار تھا اورقطری حکام امت گپتا کے والدین کو بھی بیٹے سے ملاقات کی اجازت نہیں دے رہے۔ رپورٹ کے مطابق قطری حکام کا کسی قسم کی وضاحت نہ دینا معملات کی سنگینی کو ظاہر کرتا ہے۔ دوسری جانب بی جے پی کے ایم پی ہیمنگ جوشی کے مطابق، “امت گپتا کے والدین نے قطر جا کر اپنے بیٹے سے ملاقات کی بھرپور کوشش کی، مگر قطری حکام نے ان کو رد کر دیا”۔
میڈیا رپورٹس کے مطابق قطر میں بھارتی جاسوسوں کی حراست کا یہ پہلا واقعہ نہیں، اس سے قبل، 2022 میں قطری سیکیورٹی نے 8 بھارتی بحریہ کے اہلکاروں کو اسرائیل کے لئے جاسوسی کرنے کے الزام میں سزائے موت سنائی تھی۔
ان اہلکاروں نے اسرائیلی انٹیلی جنس کو حساس سب میرین سے متعلق معلومات فراہم کی تھیں اور2023 میں انہیں سزائے موت سنائی گئی، مگر فروری 2024 میں قطری امیر کے حکم پر رہا کر دیا گیا۔
