ضلع خوشاب کے معروف مصنف ملک فضل الہی فضل کو بہترین علمی اور ادبی خدمات کے اعتراف میں حسن کارکردگی ایوارڈ
بھیل انٹرنیشنل ادبی سنگت ننکانہ صاحب کی طرف سے ضلع خوشاب کے معروف قلمکار، مصنف، ادیب، کالم نگار، دانشور ،شاعر اور ممتاز ماہر تعلیم ملک فضل الہی فضل کو بہترین علمی اور ادبی خدمات کے اعتراف میں حسن کارکردگی ایوارڈ کی عطائیگی، عوامی، سماجی، تعلیمی، ادبی اور صحافتی حلقوں کی طرف سے مبارکباد اور نیک تمناؤں کا اظہار۔
یہ ایوارڈ معروف شاعر ،ادیب، مصنف، دانشور اور نامور ماہرتعلیم جناب ملک فضل الہی فضل کو ان کی بہترین علمی و ادبی خدمات کے اعتراف میں عطا کیا گیا ہے اور ان کی شاعری کی معروف کتاب "متاع عشق” کی پذیرائ کی گئ ہے۔
واضح رہے کہ محترم جناب ملک فضل الہی فضل قبل ازیں بھی مختلف فورمز سے اسناد و ایوارڈز کے حصول کا اعزاز رکھتے ہیں ۔ آپ علمی، ادبی،صحافتی اور سماجی حلقوں میں نہایت عزت و احترام کی نظر سے دیکھے جاتے ہیں۔ بحیثیت سینیئر آفیسر تعلیم آپ کی سرگودھا ڈویژن کے لیے گرانقدر علمی خدمات ہیں جن کا تعلیمی حلقوں میں اعتراف کیا جاتا ہے ۔
