ایڈووکیٹ ملک طاہررضابگھور بطور ممبر ضلعی امن کمیٹی خوشاب نامزد
ایکس پریذیڈنٹ ڈسٹرکٹ بار ایسوسی ایشن خوشاب / سابق نائب تحصیل ناظم نورپورتھل ایڈووکیٹ ملک طاہررضابگھور بطور ممبر ضلعی امن کمیٹی خوشاب نامزد، عوامی ،سماجی اور صحافتی حلقوں کی طرف سے مبارکباداور نیک خواہشات کااظہار۔ واضح رہے کہ ایڈووکیٹ ملک طاہررضا بگھور کا تعلق رنگپور بگھور سے ہے۔ آپ یہاں کی نمبردار فیملی کے قابل فخر سپوت ہیں۔
اللہ تبارک و تعالی کی ذات والا صفات نے آپ کو اعلی ا صلاحیتیں ودیعت کی ہیں ۔ ایڈووکیٹ ملک طاہر رضا بگھور ہردلعزیز، پروقار ،ملنسار، بردبار، معاملہ فہم اور ہنس مکھ شخصیت کے مالک ہیں۔ موصوف بطور صدر ڈسٹرکٹ بار ایسوسی ایشن خوشاب اپنی وکلاء برادری کے لیے گرا نقدر خدمات سر انجام دے چکے ہیں اور بطور نائب ناظم تحصیل ناظم نورپورتھل آپ نے اپنے دور میں سماجی فلاح و بہود کے لیے بھرپور کردار ادا کیا جس کی وجہ سے آپ کو بھرپور عوامی پذیرائی ملی ۔ ایڈووکیٹ ملک طاہر رضا بگھور نے اپنی نامزدگی بطور ممبر ڈسٹرکٹ پیس کمیٹی خوشاب، بارے میڈیا سے خصوصی ٹیلی فونک گفتگو کرتے ہوئے کہا کہ انشاءاللہ اپنی ذمہ داریوں کی خوش اسلوبی سے انجام دہی کے لیے ہرگز کوئی دقیقہ فرو گزاشت نہیں کروں گا کیونکہ معاشرے میں امن و امان کا قیام میرے نزدیک درحقیقت سماج کی بہت بڑی خدمت ہے ۔ انہوں نے کہا کہ میں تمام متعلقہ ارباب بست و کشاد کا بھی تہ دل سے مشکور و ممنون ہوں جنہوں نے مجھےاس ذمہ داری کے قابل سمجھا ۔ ممبر امن کمیٹی ضلع خوشاب ایڈوکیٹ ملک طاہررضا بگھور نے کہا کہ اللہ تعالی ا کے فضل و کرم سے ہمارا پیارا مذہب اسلام امن و آشتی کا درس دیتا ہے اور دین اسلام کی سنہری تعلیمات ہمارے لیے سرچشمہ ءرشد و ہدایت ہیں جن پر مکمل عمل پیرا ہو کر ہی ہم فلاح دارین حاصل کر سکتے ہیں ۔
