انٹر ڈویژن کھیلتا پنجاب ٹیبل ٹینس مقابلوں میں ضلع خوشاب کے طلباء کی شاندار پوزیشنیں
انٹر ڈویژن کھیلتا پنجاب ٹیبل ٹینس مقابلوں میں ضلع خوشاب کے طلباء کی شاندار پوزیشنیں، خوشاب کے عوامی سماجی اور تعلیمی حلقوں کی طرف سے زبردست خراج تحیسن۔
انٹر ڈویژن کھیلتا پنجاب میں گرلز اور بوائز ٹیبل ٹینس ٹورنامنٹ اختتام پذیر ہو گیا جس میں گرلز کے مقابلہ جات میں بلیو فال اکیڈمی خوشاب کی عیشہ خانصہ مقصود اور ڈاکٹر انوشہ مقصود نے پہلی پوزیشن حاصل کی اور اسی طرح بوائز میں بھی بلیو فال اکیڈمی خوشاب نے پہلی پوزیشن حاصل کی جبکہ نیو سٹی کلب سرگودھا کے کھیلاڑیوں نے دوسری پوزیشن حاصل کی۔
اس موقع پر ڈسٹرکٹ سپورٹس آفیسر صائمہ منظور کا کہنا تھا کہ تمام کھیلاڑیوں نے اچھے کھیل کا مظاہرہ کیا ہے یہاں سے جیتنے والے کھلاڑیوں کو لاہور میں ہونے والے مقابلہ جات میں کھلایا جائے گا جس سے ان کو اپنی صلاحیتوں کو مزید اجاگر کرنے کا موقع ملے گا ۔حکومت پنجاب نے کھیلوں کے فروغ کے لیے ہمیشہ احسن اقدامات اٹھائے ہیں۔ اس موقع پر تحصیل سپورٹس آفیسر شہریار سیال اور تحصیل سپورٹس آفیسر عظمت اقبال بھی موجود تھے۔
