گورنمنٹ ایلیمنٹری سکول ظفر آباد رنگپور بگھور میں پوزیشن ہولڈر طلباء کے اعزاز میں تقریب کا انعقاد

گورنمنٹ ایلیمنٹری سکول ظفر آباد رنگپور بگھور میں پوزیشن ہولڈر طلباء کے اعزاز میں تقریب کا انعقاد کیا گیا ۔ جس کی صدارت ہیڈ ماسٹر ادارہ ہذا ملک عابد اقبال نے کی جبکہ نقابت کے فرائض ملک محمد عمران بھروکہ نے بطریق احسن سر انجام دیے ۔ تقریب میں اساتذہ کرام اور طلباء نے بھرپور شرکت کی۔

تقریب سے خطاب کرتے ہوئے ملک فیاض انور جوئیہ اور دیگرمقررین نے گورنمنٹ ایلیمنٹری سکول ظفرآباد رنگپوربگھور کی نصابی اور ہم نصابی سرگرمیوں کے فروغ کے لیے شاندار کارکردگی کو شاندار الفاظ میں خراج تحسین پیش کیا اور اساتذہ کرام کی تعلیمی خدمات خوب پذیرائ کی اور نئےآنے والے اساتذہ کرام ملک ،خالد ندیم، ملک کرامت علی ،ملک محمد عمران اور ملک محمد اقبال کو دل کی اتھاہ گہرائیوں سے خوش آمدید کہا۔

قبل ازیں پنڈال میں پہنچنے پر طلباء کے دلوں پر راج کرنے والے ہردلعزیز ٹیچر ملک فیاض انور جوئیہ اور ملک عنایت اللہ کا پرتپاک استقبال بھی کیا گیا ۔ اس تقریب کو شاندار کامیابی سے ہمکنار کرنے کے لیے سینیئر ٹیچر ملک جبار اقبال اعوان اور ملک محمد یونس بھروکہ سمیت ان کی پوری ٹیم نے بھرپور کردار ادا کیا۔

دوران تقریب مہمانان گرامی نے پوزیشن ہولڈر طلباء میں انعامات بھی تقسیم کیے۔

اشتہار