ہماری عظیم اور لاکہوں قربانیوں کا تقاضا ہے کہ ہم اپنے حقیر مفادات کے لئے ہرگز کسی ظالم وجابر اور غاصب کا ساتھ نہ دیں، ترجمان اسلامی تنظیم آزادی جموں کشمیر۔
کل جماعتی حریت کانفرنس کے سینئر رہنما اور اسلامی تنظیم آزادی جموں کشمیر کے چیئرمین جناب پیر عبدالصمدانقلابی نے کہا ہے کہ بھارت کے زیر انتظام جموں کشمیر کے لوگ گزشتہ 77 برسوں سے بھارتی ظلم وجبر اور ستم کا شکار ہیں۔
جموں کشمیر کے لوگوں نے بے انتہا اور بے مثال قربانیاں دی ہیں، گھر بار مال وجان اور اپنا سب کچھ لٹا دیا ہے لہذا ہماری عظیم قربانیوں کا تقاضا ہے کہ ہم اپنے حقیر مفادات کی خاطر ہرگز کسی ظالم وجابر اور غاصب کاساتھ نہ دیں۔
چیئرمین نے کہا ہے کہ ہماری صفوں میں کچھ ایسے لوگ بھی موجود ہیں جو کسی بھی سطح پر ظالموں کا ساتھ دینے کیلئے تیار ہیں۔
چیئرمین نے کہا ہے کہ یہ ابن الوقت کے لوگ ہوتے ہیں جو ظالم وجابر اور غاصب لوگوں کے آلہ کار بن گئے ہیں اور اپنی ہی قوم کے خلاف استعمال ہو رہے ہیں۔
سینئر حریت رہنما پیر عبدالصمد انقلابی نے کہا ہے کہ یہ لوگ اپنے حقیرمفادات کی طرف اپنی لٹی پٹی قوم کو دھوکہ اور ظالم وجابر اور غاصب لوگوں کا ساتھ دینے والوں کو شرم آنی چاہیے۔ انہوں نے کہا ہے کہ ظالموں، جابروں اور غاصب لوگوں کی صفوں میں داخل ہوکر اور اپنے ہی لوگوں کو تکلیف پہنچانے والوں کو قوم کبھی معاف نہیں کرے گی۔ کل جماعتی حریت کانفرنس کے سینئر رہنما پیر عبدالصمد انقلابی نے کہا ہے کہ ہم نے جس قدر قربانیاں دیں، ظلم و جبر اور ستم سہا، ہمارے اندر اس قدر ان قربانیاں کا شعور و احساس ہونا چاہیے۔ کہ ہمیں اپنے کردار کو بہتر بنانے کی اشد ضرورت ہے اور اگر ہم ظالم وجابر اور غاصب کے خلاف آواز نہ اٹھا سکیں تو کم از کم اسکا آلہ کار بھی نہیں بننا چاہیے۔
سینئر حریت رہنما عبدالصمد انقلابی نے کہا ہے کہ ظالم وجابر اور غاصب لوگوں کا ساتھ دینے کے بجائے بہتریہ ہے کہ ہم لوگ اپنے گھروں ہی تک محدور رہیں، یاد رہے کہ بھارت کے مودی حکومت نے جموں کشمیر میں نام نہاد اسمبلی انتخابات کا ڈرامہ رچانے کے لئے جا رہی ہے، یہ انتخابات 18 ستمبر 2024ء سے یکم اکتوبر 2024ء تک تین مراحل میں ہوں گے۔ مودی حکومت نے انتخابات پر اثر انداز ہونے کے لئے جموں کشمیر میں اپنے آلہ کاروں کو متحرک کر دیا ہے۔
کل جماعتی حریت کانفرنس کی قیادت پہلے ہی کہہ چکی ہے کہ دس لاکھ سے زائد بھارتی فوجیوں کے پہرے میں ہونے والے ان انتخابات کی کوئی حیثیت نہیں ہے اور یہ ایک فوجی مشق سے زیادہ کچھ نہیں۔
حریت قیادت نے یہ بھی واضح کر دیا ہے کہ جموں کشمیر کے لوگ کسی بھی قسم کے انتخابات کے لئے نہیں بلکہ بھارتی تسلط سے مکمل آزادی برائے اسلام اور اپنے بنیادی اور پیدائشی حق ، حق خودارادیت کیلئے جدوجہد کر رہے ہیں۔ سینئر حریت رہنما عبدالصمد انقلابی نے کہا ہے کہ جموں کشمیر کے اندر ساتھ لاکھ سے زائد لوگوں نے صرف اور صرف آزادی برائے اسلام کے لئے قربانیاں پیش کی یہ قربانیاں کسی الیکشن یا سلیکشن کے لئے نہیں دی گئی ہیں۔
