سابق ڈی جی آئی ایس آئی فیض حمید کے بعد مزید 3 فوجی آفیسرز کو حراست لیا گیا، آئی ایس پی آر
سابق ڈی جی آئی ایس آئی کی گرفتاری کے بعد3ریٹائرڈ فوجی آفیسرز کو تحویل میں لے لیا گیا۔پاک فوج کے شعبہ تعلقات عامہ کے مطابق تینوں ریٹائرڈ آفیسرز ملٹری ڈسپلن کی خلاف ورزی کے مرتکب ہوئے، تینوں ریٹائرڈ آفیسرز ملٹری ڈسپلن کی خلاف ورزی کے مرتکب ہوئے۔
آئی ایس پی آر کے مطابق 3ریٹائرڈ افسران کو فوجی نظم وضبط کی خلاف ورزی کے سلسلے میں تحویل میں لیا گیا،یہ افسر مخصوص سیاسی مفادات کی ایما پر ملی بھگت سے عدم استحکام کو ہوا دے رہے تھے، اس بارے میں تحقیقات جاری ہیں۔
ترجمان پاک فوج کا مزید کہنا تھا کہ تینوں افسروں کو کورٹ مارشل کی کارروائی کے سلسلے میں تحویل میں لیا گیا جبکہ ان ریٹائرڈ افسروں اور ان کے ساتھیوں سے بھی تحقیقات کی جارہی ہے ۔واضح رہے سابق ڈی جی آئی ایس آئی فیض حمید کے خلاف فوجی نظم وضبط کی خلاف ورزی پر فیلڈ کورٹ مارشل کی کارروائی جاری ہے۔
