حکومت بنیادی صحت کے نظام کو مضبوط کر رہی ہے: ڈاکٹر ندیم

نگراں وزیر صحت ڈاکٹر ندیم جان کا کہنا ہے کہ حکومت نے صحت کے شعبے کو جدید خطوط پر استوار کرنے کے لیے ایک مربوط اور جامع حکمت عملی بنائی ہے۔انہوں نے یہ بات اسلام آباد میں ڈسٹرکٹ ہیلتھ آفیسر سے وفاقی دارالحکومت میں صحت کی سہولیات کے بارے میں بریفنگ لیتے ہوئے کہی۔

وزیر نے کہا کہ حکومت بڑے ہسپتالوں پر مریضوں کا بوجھ کم کرنے کے لیے بنیادی صحت کی دیکھ بھال کے نظام کو مضبوط کر رہی ہے۔انہوں نے کہا کہ دیہی علاقوں کے مریضوں کو بہترین طبی سہولیات فراہم کرنے کے لیے بنیادی صحت کی دیکھ بھال کے نظام کو ڈیجیٹل کیا جا رہا ہے۔