بسم اللہ الرحمن الرحیم

قومی

حتمی حلقہ بندیاں اگست کے دوسرے ہفتے تک مکمل کرلی جائیں گی،چیف الیکشن کمشنر

الیکشن کمیشن آف پاکستان نے کہا ہے کہ حتمی حلقہ بندیاں رواں برس اگست کے دوسرے ہفتے تک مکمل کرلی جائیں گی۔

الیکشن کمیشن کا اہم اجلاس چیف الیکشن کمشنر سکندر سلطان راجا کی زیرصدات ہوا جس میں سیکریٹری الیکشن کمیشن نے حلقہ بندیوں کے حوالے سے کام اور تازہ پیش رفت سے متعلق مکمل بریفنگ دی۔

الیکشن کمیشن کو بتاتا گیا کہ حلقہ بندی کمیٹیاں تمام قومی و صوبائی اسمبلیوں کے حلقہ جات کی ابتدائی حلقہ بندی 25 مئی 2022 کو الیکشنز ایکٹ 2017 کی دفعہ 19 کے تحت الیکشن کمیشن کو پیش کردیں گی۔

بیان میں مزید کہا گیا ہے کہ حلقہ بندیوں پر اعتراضات و تجاویز پر الیکشن کمیشن یکم جولائی سے 30 جون 2022 تک سماعت اور فیصلے کرے گا۔ حمتی حلقہ بندی اگست کے دوسرے ہفتے میں شائع کردی جائے گی۔ کمیشن نے حلقہ بندیوں کے حوالے سے اب تک کی پیش رفت پر اطمینان کا اظہار کیا اور حکم دیا کہ تمام کام میرٹ اور قانون کے مطابق الیکشن کمیشن کے مقرر کردہ شیڈول کے مطابق مکمل کیا جائے۔

Back to top button