بسم اللہ الرحمن الرحیم

صحت

عالمی وبا کورونا سے مزید 43 افراد انتقال کر گئے

پاکستان میں گزشتہ 24 گھنٹوں کے دوران عالمی وبا کورونا سے مزید 43 افراد انتقال کر گئے اور  1232 نئے کیسز بھی رپورٹ ہوئے۔

پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 41744 ٹیسٹ کیے گئے جن میں سے 1232 افراد میں کورونا وائرس کی تصدیق ہوئی جب کہ وائرس سے 43 ہلاکتیں ہوئیں۔

سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 2.95 فیصد رہی۔

سرکاری پورٹل کے مطابق ملک میں کورونا سے ہلاکتوں کی تعداد 30096 ہو گئی اور مجموعی کیسز 15 لاکھ 3 ہزار 873 تک جا پہنچے ہیں۔

اس کے علاوہ 24 گھنٹوں کے دوران ملک بھر میں 3154 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 14 لاکھ 9 ہزار 515 ہو گئی ہے۔

Back to top button