سندھ کے گورنر کی نوجوانوں کو اے آئی اور آئی ٹی مہارتیں حاصل کرنے کی ہدایت

سندھ کے گورنر محمد نہال ہاشمی نے نوجوانوں پر زور دیا ہے کہ وہ روشن مستقبل اور ملک کی ترقی کے لیے مصنوعی ذہانت (اے آئی) اور انفارمیشن ٹیکنالوجی (آئی ٹی) کی مہارتیں حاصل کریں۔

کراچی کے تاریخی این جے وی اسکول کے دورے کے موقع پر گفتگو کرتے ہوئے گورنر نے نوجوانوں پر زور دیا کہ وہ روزگار، قرضوں، لیپ ٹاپس اور دیگر سہولیات کے حصول کے لیے ڈیجیٹل یوتھ ہب سے استفادہ کریں۔

محمد نہال ہاشمی نے کہا کہ پاکستان کا مستقبل ایسے تعلیم یافتہ نوجوانوں سے وابستہ ہے جو جدید ٹیکنالوجی کی مہارتوں سے لیس ہوں۔

گورنر سندھ نے اسکول کے تاریخی ہال کا بھی دورہ کیا، جہاں پہلی دستور ساز اسمبلی کے اجلاس منعقد ہوئے تھے۔